अछाम- लायन्स क्लब अफ साँफेबगरले आयोजना गरेको छैठौं साँफेबगर महोत्सवको आय व्यय फाल्गुन ३० गते सार्वजनिक गरिएको छ । बुधवार लायन्स क्लब अफ साँफेबगरका अध्यक्ष कृष्ण कुँवरको अध्यतामा बसेको बैठकले आज सार्वजनिक सुनुवाइ गर्दै छैठौं साँफेबगर महोत्सवको आय व्यय सार्वजनिक गरेको हो ।

छैठौं साँफेबगर महोत्सवको आय व्यय सार्वजनिक गर्ने क्रममा आय तर्फ बैंक तथा वित्तीय संस्था बाट ५ लाख ८५ हजार, साँफेबगर स्थित कम्पनीहरू बाट १ लाख ७४ हजार, धनगढी बाट चन्दा संकलन ३ लाख ११ हजार ५०, अछाम बाट चन्दा संकलन ३ लाख ७४ हजार, टिकट र सिजनल पासबाट संकलन गरिएको रकम २३ लाख ५९ हजार ४ सय २९, लायन्स सदस्यबाट संकलन गरिएको रकम ६ लाख १० हजार, रमाइलो मेलाबाट ५१ हजार, भलिबलको टिम दर्ता शुल्क बाट ४८ हजार, कलाकार बाट सहयोग रकम ६३ हजार १ सय पचहत्तर, स्टल भाडा बाफत २ लाख ४० हजार, विजयमुर्ति महाराज बाट सहयोग रकम ७५ हजार, आयुष सिंह ठकुरीबाट ५० हजार, लोक बहादुर चलाउने बाट १० हजार र स्थानीय तह तथा सामाजिक विकास मन्त्रालयबाट ४३ लाख ५० हजार गरी ९३ लाख ६ सय चौपन्न संकलन गरिएको छ भने व्यय तर्फ कलाकार को पारिश्रमिक १३ लाख ९५ हजार ५ सय, पिंकि टेन्ट हाउस ८ लाख, बाध्यबाधन ८९ हजार, सुरक्षा निकाय १ लाख ७८ हजार, प्रिन्टिङ स्टेस्नरि ४ लाख २० हजार, भलिबल खेल को खर्च ५ लाख १ हजार ३ सय २०, यातायात तथा इन्धन २ लाख ९५ हजार १ सय २७, विविध सामान खरिद बिल बाट ८७ हजार ५ सय २०, मैदान निर्माण ३३ हजार ८ सय ४०, आवास तथा भोजन २ लाख ४३ हजार २ सय १५ गरी जम्मा खर्च ४० लाख ५८ हजार ५ सय २२ भएको सार्वजनिक गरिएको छ भए बचत नगद २ लाख ६६ हजार ७ सय २ रुपैयाँ र उठ्न बाँकी रकम ४९ लाख ७५ हजार ४ सय ३० गरी ५२ लाख ४२ हजार १ सय ३२ रुपैयाँ बचत भएको सार्वजनिक गरिएको छ ।

माघ २६ गते देखि फाल्गुन ४ गते सम्म गरिएको छैठौं साँफेबगर महोत्सवको मुख्य उद्देश्य बयालपाटा अस्पतालमा ब्लड बैंक स्थापना गर्ने रहेको थियो । लायन्स क्लब अफ साँफेबगरका अध्यक्ष कृष्ण कुँवरले यथा शीघ्र बयालपाटा अस्पतालमा ब्लड बैंक स्थापना हुने काम सञ्चालन हुने बताएका छन ।

फाल्गुण २९ गतेको बैठकमा लायन्स क्लब अफ साँफेबगरलाई छैठौं साँफेबगर महोत्सव सम्पन्न गर्न महत्त्वपूर्ण सहयोग गर्ने सामाजिक विकास मन्त्रालय, पर्यटन मन्त्रालय, स्थानीय तहहरू, जनप्रतिनिधि ज्युहरू, सरकारी कार्यालय हरू, संघ संस्थाहरू, व्यावसायिक कम्पनीहरू, निजी अस्पतालहरू, सुरक्षा निकायहरू, विभिन्न पेशाम आबद्ध रहेका कर्मचारी, विद्यालय परिवार, व्यवसायी, स्थानीय झाँकी प्रस्तुत गर्ने कलाकारहरू, रक्तदान गर्ने रक्तदाताहरू, वाणिज्य कार्यालय मंगलसैन, बैङ्क तथा वित्तीय संघ संस्थाहरू, ईन्सोरेन्स कम्पनीहरू, पत्रकार लगायत प्रत्यक्ष वा अप्रत्यक्ष सहयोग गर्नु हुने सम्पूर्णलाई मूल आयोजक समितिले धन्यवाद ज्ञापन गरेको थियो ।