डोटी- डोटीको बुडर नजिक जिप चालक र मोटरसाइकलमा सवार व्यक्तिबिच लफडा भएको छ। प्रहरीका अनुसार बुडर नजिकै भीमदत्त राजमार्गमा म १ च ६३० नम्बरको जिपका चालक र म ३ प १५०० नम्बरको मोटरसाइकलमा सवार केटाहरूबिच झगडा भएको हो।
जिपमा चालकसहित दुई र मोटरसाइकलमा पनि दुई जना सवार रहेको बताइएको छ । डोटी प्रहरीले उनीहरूबिच वादविवाद भई झगडा हुँदा मोटरसाइकलमा सवार जोरायल गाउँपालिका वडा नम्बर १ का २६ वर्षीय रमेश भारती घाइते भएका बताएको छ।
उनको धनगढीमा उपचार भइरहेको जिल्ला प्रहरी कार्यालय डोटीका प्रहरी नायब उपरीक्षक निशान्त श्रीवास्तवले बताए। वादविवादका क्रममा धक्का मुक्का हुँदा रोडमा लडेर भारती घाइते भएका उनले बताए।
जिपका चालक कञ्चनपुरको लालझाडी गाउँपालिका वडा नम्बर ६ का मोहन विष्टसहित तीन जनालाई नियन्त्रणमा लिइएको उनले बताए । झगडाको कारण भने खुल्न सकेको छैन् ।
