कैलाली । नेपालीकांग्रेस सभापति तथा पूर्वप्रधानमन्त्री शेरबहादुर देउवाले बर्तमान दुई दल बिचको गठबन्धन २०८४ सम्मै जाने बताएका छन । आईतबार धनगढी बिमानस्थलमा संचारकर्मी संग कुरा गर्दै पुर्वप्रधानमन्त्री देउवाले बर्तमान गठबन्धनमा कुनै समस्या नभएको र पुरै कार्यकाल जाने बताए । उनले भने( गठबन्धन सहज रुपमा अघि बढेको छ, कुनै समस्या छैन । सहकारी प्रकरणका बिषयमा संक्षिप्त प्रतिकृया दिदै सभापति देउवाले भने( दोषिलाई कार्वाही हुन्छ, कानुनी प्रकृया अघि बढेको छ । नेपाली काँग्रेसका पनि धेरै नेता कार्वाहीमा परेका तर काँग्रेसले कानुन कार्यान्वयनमा कहिल्यै अवरोध नगरेको पनि देउवाले बताए । गृहजिल्ला डडेल्धुराको विभिन्न कार्यक्रममा सहभागी हुन क्रममा देउवा आज धनगढी पुगेका हुन ।
सभापति देउवा कात्तिक २६ गते भोली सोमबार डडेल्धुराको आलिताल गाउँपालिका र परशुराम नगरपालिकामा आयोजना हुने कार्यक्रममा सहभागी हुने कांग्रेस डडेल्धुराले जनाएको छ । कार्यतालिका अनुसार कात्तिक २७ गते गन्यापधुरा गाउँपालिकाको बडाल जाँत ९जात्रा० मा सहभागी हुने छन् ।
डडेल्धुरा सभापति भीमबहादुर साउदका अनुसार देउवाले कात्तिक २८ गते पार्टीको जिल्ला कार्यसमितिको बैठक, पालिकास्तरीय भेटघाट र २९ गते कार्यकर्ता भेटघाट कार्यक्रम रहेको छ। सभापति देउवा कात्तिक ३० गते गन्यापधुरा गाउँपालिका–१ रुवाखोलामा आयोजना हुने कार्यक्रममा सहभागी हुनेछन्।
जिल्ला सभापति साउदले पूर्वप्रधानमन्त्री देउवा मंसिर १ गते डडेल्धुराको उग्रतारा मेलामा सहभागी हुने कार्यक्रम तय भएको पनि जानकारी दिए ।
कांग्रेसको सुदूरपश्चिम प्रदेश कार्यसमितिका प्रवक्ता सुरत रावतका अनुसार डडेल्धुराबाट फर्किएपछि सभापति देउवाले मंसिर २ गते कैलालीको चौमाला बहुमुखी क्याम्पसको भवन उद्‌घाटन गर्ने कार्यक्रम तय भएको छ।