धनगढी । कैलालीको बर्दगोरिया गाउँपालिकाले आगामी आर्थिक वर्ष २०८२/८३ का लागि एक अर्ब दुई करोड ९१ लाख रुपैयाँको वार्षिक बजेट सार्वजनिक गरेको छ ।
सोमबार गाउँपालिकाको १६औँ गाउँसभामा उपाध्यक्ष गणेशराज गिरी (लालदीप) ले वार्षिक बजेट प्रस्तुत गरेका हुन् । चालुतर्फ ३४ करोड ३९ लाख र पुँजीगततर्फ ४१ करोड ५२ लाख विनियोजन गरिएको छ । यस्तै सामाजिक सुरक्षातर्फ २७ करोड खर्च हुने अनुमान गाउँपालिकाले गरेको छ ।
३ करोड ६९ लाख ५३ हजार ५ सय ८१ रुपैयाँ आन्तरिक आय सङ्कलन हुने तथा राजस्व बाँडफाँडबाट १० करोड ७८ लाख ९९ हजार ४ सय १९ आम्दानी हुने अनुमान गाउँपालिकाको छ ।
यस्तै अन्तर सरकारी वित्तीय हस्तान्तरण (सङ्घीय सरकार) बाट ५२ करोड २७ लाख प्राप्त भएको छ । भने अन्तर सरकार वित्तीय हस्तान्तरण (प्रदेश सरकार) बाट पाँच करोड ७० लाख ४७ हजार गाउँपालिकालाई प्राप्त भएको छ ।
