कैलाली । सुदूरपश्चिम प्रदेशका मुख्यमन्त्री कमलबहादुर शाहले सुरक्षा निकायका प्रमूख तथा मातहतका निकायलाई विपद्को समयमा उच्च सतर्क रहन निर्देशन दिएका छन् ।
मंगलबार मुख्यमन्त्री तथा मन्त्रिपरिषद्को कार्यालयमा बसेको वर्षाजनित विपद् पूर्वानुमान तयारीको अवस्था र सहजीकरण सम्बन्धी बैठकमा मुख्यमन्त्री शाहले विपद्को पूर्वतयारी र प्रतिकार्यका लागि उच्च सतर्क रहन निर्देशन दिएका हुन् ।
विपद्को भयावह स्थिति आउन नदिनका वडास्तरबाटै जनप्रतिनिधीहरुसँग समन्वय गर्न, राहत तथा उद्धारका आवश्यक सामाग्री बन्दोबस्त गर्न र साझेदार संघ संस्थाको साझेदारीमा लाग्न मुख्यमन्त्री शाहले सचिवहरुलाई निर्देशन दिए ।
बैठकमा कैलाली र कञ्चनपूरका प्रमूख जिल्ला अधिकारी, प्रदेशस्थित सूरक्षा निकायमा प्रमूख र साझेदार संस्था नेपाल रेडक्रस सोसाईटी, यूएनडिपी र डब्लूएफपीका प्रतिनिधिहरुले विपद्ले यस आर्थिक वर्षमा पारेको प्रभाब, भएको क्षति गरिएको प्रयास र अबको पूर्व तयारीको अवस्था वारे जानकारी गराएका थिए । बैठकमा यस वर्ष सरदर वर्षा बढी हुने र जलवायू परिवर्तनका कारण सरदर तापक्रम बढ्ने बताइएको छ । वर्षाबाट कैलाली, कञ्चनपुर डोटी र अछाम जिल्ला बढी प्रभावित हुने र सरदर तापक्रमबाट अछाम र वाजुरा जिल्ला बढी प्रभावित हुने प्रक्ष्येपण गरिएको विवरण प्रस्तुत गरिएको थियो ।
बैठकमा आन्तरिक मामिला तथा कानूनमन्त्री हीरा सार्की, प्रदेश प्रमुख सचिव डा. कमलप्रसाद पोखरेल, आन्तरिक मामिला तथा कानून मन्त्रालय सचिव, डा बीरेन्द्रकुमार मिश्र, कैलालीका प्रमुख जिल्ला अधिकारी गोगनबहादुर हमाल, कन्चनपुरका प्रमुख जिल्ला अधिकारी लक्ष्मण ढकाल, सुदूरपश्चिम प्रदेश प्रहरी कार्यालयका प्रहरी नायव महानिरीक्षक डम्बर बहादुर विक,सशस्त्र प्रहरी नायव महानिरीक्ष प्रदीपकुमार पाल,अनुसन्धान निर्देशक नगेन्द्रप्रसाद दाहाल, आन्तरिक मामिला तथा कानुन मन्त्रालय उपसचिव आमोद दाहाल, माहाकाली बेसीन कार्यालय अत्तरियाका कार्यालय प्रमुख ई संजयकुमार शाह,प्रमुख सेनानी सूर्यकान्त घिमिरे,नेपाल रेडक्रस सोसाईटी प्रदेश अध्यक्ष दिलबहादुर बुढा,यूएनडिपी र डब्लूएफपीका प्रतिनिहरुको उपस्थिति रहेको थियो ।
