धनगढी । यूवाहरुलाई अरिअर काउन्सिलिङ तथा मार्ग निर्देशन सम्बन्धी तीन दिने प्रदेशस्तरीय परामर्श तालिम धनगढीमा सम्पन्न भएको छ ।
गुड नेवरको सहयोगमा सेवक नेपालद्वारा सञ्चालित एकिकृत सामुदायिक विकास परियोजना अन्तरगत भएको तीन दिने तालिम मंगलबार सम्पन्न भएको हो ।
समापन कार्यक्रमका बोल्दै सुदूरपश्चिम प्रदेश सामाजिक विकास राज्यमन्त्री सरस्वती खड्काले नेपालीहरुको मनस्थिति पढेर नेपालमा जागिर पाइँदैन भन्ने भैसकेको बताइन ।
‘नेपालीको मनस्थिति धेरै बिग्रेको छ’ राज्यमन्त्री खडकाले भनिन् ‘हामीले पढेर यहाँ जागिर त पाउँदै पाउँदैनौ । त्यसको लागि विदेश जानै पर्छ । कक्षा १२ पढेर कलेज पढ्न चाहदैनौँ, कलेज पढनु भन्दा जापनिज, कोरियन भाषा सिक्नु पर्छ । हाम्रा सँगैका साथी भाई कमाउने भैसके, पैसा घरमा पठाउने भइसके र हामी कहिले गर्ने हो । आजभोलि सबैभन्दा बढी पढ्ने विद्यार्थीलाई चिन्ता यही छ ।’
उनले भनिन् ‘धेरै भाइबहिनीहरु कुलतमा फँसिरहेका छन । दैनिक घटना विवरण हेर्दा लागुऔषधमा फसेको,आत्महत्या गरिरहेको, यूवाहरु मदिरा सेवन,जुवा खेल ीरहेको अवस्था छ । १२ कक्षापछि विदेश पलायन भएका छन । सररकारले स्वरोगरको लागि अवसर जुराइ दिने मात्र हो तर यसको लागि यूवापिढी अग्रसर हुन जरुरी छ ।’
केही गर्नलाई मनोबल उच्च राख्न जरुरी रहेको, आफ्नो जीवनलाई सेटल कसरी राख्ने, आर्थिकसँग कसरी जोड्न त्यतातिर ध्यान जान जरुरी रहेको राज्यमन्त्री खडकाले बताइन । सामाजिक विकास मन्त्रालय आर्थिक अवस्था कमजोर रहेका बालबालिकालाई सहयोग गर्दै आएको पनि उनले बताइन् ।
सेवक नेपालको सहयोगमा अध्ययनरत विद्यार्थीहरु कार्यक्रमबाट ड्रप आउट हुन लागेकाले उनीहरुको करिअर काउन्सिलिङ तथा मार्ग निर्देशन सम्बन्धी तालिम प्रदान गरिरहेको सेवक नेपालका अध्यक्ष पवन भण्डारीले बताए ।
तालिममा कैलाली, डोटी, बाजुरा र दार्चुला जिल्लाका ३० जना सहभागी यूवाहरुलाई निजामति, बैकिङ क्षेत्र र उद्यमशीलता सम्बन्धी प्रशिक्षण गराइएको उनले बताए । जसमा निजामति सम्बन्धी प्रदेश निर्वाचन कार्यालयका प्रमुख प्रेमराज भट्ट,बैकिङ सम्बन्धी हिमालय बैंकका प्रदेश प्रमुख सरोज रेग्मी र उद्यमशीलता सम्बन्धी रामनानी चौधरीले प्रशिक्षण दिएकी थिइन् । कार्यक्रममा गैरसरकारी संस्था महासंघका प्रदेश अध्यक्ष देवी खनाल अहिले तीनै तहका सरकारका वेवसाइडबाट धेरै सूचना पाउन सकिने भएकोले यूवाहरुलाई रुची राखिदिन आग्रह गरे । तालिममा निभा शाक्यले सहजीकरण गरेकी थिइन् ।
