काठमाडौं । देशका विभिन्न ठाउँमा भएका सवारी दुर्घटनामा परि पाँच जनाको मृत्यु भएको छ । काठमाडौंको कागेश्वरी मनोहरा नगरपालिका–८ गोठाटारस्थित सडकमा पहेलो
पुलबाट जम्बुडाँडा तर्फ जाँदै गरेको बा.५ ख ३२३९ नम्बरको ट्रकको ठक्करबाट पैदलयात्री काठमाडौं चाबहिल बस्ने गोरखा घर भएकी ५८ वर्षीया जिरा देवी दानीको शनिबार बिहान मृत्यु भएको प्रहरी प्रधान कार्यालयले जनाएको छ । ठक्करबाट गम्भीर घाइते भएकी उनको जोरपाटीस्थित शंखरापुर अस्पतालमा उपचारको क्रममा मृत्यु भएको हो । ट्रक चालकलाई प्रहरीले नियन्त्रणमा लिएको जनाइएको छ ।
सुनसरीको गढी गाउँपालिका–४ छिटाहास्थित सडकमा छिटाहाबाट चिमडीतर्फ जाँदै गरेको साइकल शुक्रबार बेलुकी दुर्घटना हुँदा साइकलयात्री बर्जु गाउँपालिका–६ बस्ने ७० वर्षीय कलकतिया चौधरीको मृत्यु भएको छ । दुर्घटनामा गम्भीर घाइते भएका उनको कोशी अस्पताल विराटनगरमा थप उपचारको क्रममा मृत्यु भएको हो ।
मोरङको बुढीगंगा गाउँपालिका–४ पशुपति टोलस्थित सडकमा प्र.१–०२–००२ च ४६६५ नम्बरको पिकअपको ठक्करबाट सोही ठाउँ बस्ने शिवहरी पौडेलको छोरा ५ वर्षीय शम्भु पौडेलको शुक्रबार दिउँसो मृत्यु भएको छ । ठक्करबाट गम्भीर घाइते भएका उनको विराट टिचिङ अस्पताल गंगाचोकमा उपचारको क्रममा मृत्यु भएको हो । पिकअप चालकलाई प्रहरीले नियन्त्रणमा लिएको जनाइएको छ ।
चितवनको रत्ननगर नगरपालिका–१ सौराहास्थित सडकमा भरतपुरबाट खैरहनीतर्फ जाँदै गरेको ना.३ ख ५७३७ नम्बरको बसको ठककरबाट पैदलयात्री खैरहनी नगरपालिका–८ बस्ने सिर्जना विककी छोरी ३ वर्षीया समिरा विकको शुक्रबार साँझ मृत्यु भएको छ । ठक्करबाट गम्भीर घाइते भएकी उनको नयाँ मेडिकल कलेजमा थप उपचारको क्रममा मृत्यु भएको हो । बस चालकलाई प्रहरीले नियन्त्रणमा लिएको छ ।
त्यस्तै,बर्दियाको गुलरिया नगरपालिका–३ बुढीखोलास्थित सडकमा गुलरीयाबाट खैरापुरतर्फ जाँदै गरेको भे.११ प ३८६३ नम्बरको मोटरसाइकल शुक्रबार राति दुर्घटना हुँदा चालक सोही नगरपालिका–७ गुलरीयागाउँ बस्ने २१ वर्षीय करण गुप्ताको मृत्यु भएको छ । दुर्घटनामा गम्भीर घाइते भएका उनको बर्दिया अस्पताल गुलरियामा उपचारको क्रममा मृत्यु भएको हो । दुर्घटनाका सम्बन्धमा प्रहरीले आवश्यक अनुसन्धान गरिरहेको छ ।
