धनगढी । राष्ट्रिय सभा निर्वाचनका लागि सुदूरपश्चिममा पनि दलहरु उम्मेद्वारी दर्ताको तयारीमा जुटेका छन । अस्थायी राजधानी धनगढीमा रहेको राष्ट्रिय सभा निर्वाचन अधिकृतको कार्यालयमा उम्मेदवारी दर्ताको तयारी भईरहेको दलहरुले जनाएका छन ।
नेपाली काँग्रेसले सुदूरपश्चिमबाट बाजुराका खम्मबहादुर खातीलाई उम्मेद्वार बनाएको छ । उनी पुर्व महान्यायधिबक्ता पनि हुन । यसै गरि नेकपा एमालेले सुदूरपश्चिमबाट कैलालीकि लिला भण्डारीलाई राष्ट्रिय सभा उम्मेदवार बनाएको छ । उनी पार्टीको केन्द्रीय कमिटी सदस्य हुन् । भण्डारी पूर्वमाओवादीबाट एमालेमा समायोजन भएकी थिइन् ।
२०५५ सालमा अनेमसंघ (क्रान्तिकारी) को जिल्ला सचिव भएपछि भूमिगत जीवन शुरु गरेकी उनले २०६२ देखि ०६४ सम्म नेकपा माओवादीको केन्द्रीय सदस्य र बर्दिया जिल्ला कमिटी इञ्चार्जको जिम्मेवारी पाएकी थिइन् । उनले एमालेको ११ औँ महाधिवेशनमा
सुदूरपश्चिमबाट महिला तर्फ केन्द्रीय सदस्यको चुनाव जितेकी थिइन् ।
यसैगरी नेपाली कम्न्युष्ट पार्टिले रोजी बस्नेत सुनार र टिकाराम जैशीलाई उम्मेद्वार बनाएको छ । नेकपा एमाले र नेपाली काँग्रेसको गठबन्धन रहेकाले यी दुई दलका उम्मेद्वार जित्ने निश्चित जस्तै देखिन्छ । यश अघि तत्कालीन नेकपाबाट निर्वाचित शारदा भट्ट र तारामान स्वारको समयाबधि सकिएपछि निर्वाचन हुन लागेको हो ।
