धनगढी । आगामी माघ ११ गते हुने राष्ट्रिय सभा सदस्य निर्वाचनका लागि सुदूरपश्चिम प्रदेशमा ४ जनाको उम्मेदवारी दर्ता भएको छ । बुधबार प्रदेश निर्वाचन कार्यालय धनगढीस्थित
निर्वाचन अधिकृतको कार्यालयमा ४ जनाले उम्मेदवारी दर्ता गराएका हुन् ।
राष्ट्रियसभा सदस्यका लागि २ पदमा ४ जनाको उम्मेदवारी परेको हो । यहाँ राष्ट्रियसभाका अन्य र महिला गरि २ दुई पदका निर्वाचन हुँदैछ ।
अन्यतर्फ नेपाली कांग्रेसका खम्मबहादुर खाती र नेपाली कम्युनिष्ट पार्टीका टिकाराम जैशीले उम्मेदवारी दर्ता गराएको प्रदेश निर्वाचन कार्यालयका प्रमुख प्रेमराज भट्टले जानकारी दिए ।
उनका अनुसार महिलातर्फ नेपाल कम्युनिष्ट पार्टी (एमाले) का लिलाकुमारी भण्डारी र नेपाली कम्युनिष्ट पार्टीका रोजी बस्नेत सुनारले उम्मेदवारी दर्ता गराएका छन् ।
राष्ट्रिय सभा सदस्य निर्वाचनमा प्रमुख दल नेपाली कांग्रेस रर एमालेबीच चुनावी गठबन्धन बनेको छ ।यस प्रदेशमा ५२ जना प्रदेशसभा सदस्य र १७५ स्थानीय तहका प्रमुख÷उपप्रमुख,अध्यक्ष÷उपाध्यक्ष गरि २२७ मतदाता रहेको प्रदेश निर्वाचन कार्यालयले जनाएको छ ।
