धनगढी । कैलालीमा ११ वर्षीया किशोरीलाई जबरजस्ती करणी गरेको अभियोगमा एकजना पक्राउ परेका छन् । पक्राउ पर्नेमा जिल्लाको भजनी नगरपालिका–८ जनकपुर बस्ने ६५ वर्षीय रामशंकर चौधरी रहेको सुदूरपश्चिम प्रदेश प्रहरी कार्यालय धनगढीले जनाएको छ ।
चौधरीले यही पुस २२ गते साँझ पैँसाको लोभ लालच देखाई विभिन्न प्रलोभनमा पारि जबरजस्ती करणी गरेको भन्ने उजुरीको आधारमा पक्राउ गरिएको प्रहरीले जनाएको छ ।
चौधरीलाई इलाका प्रहरी कार्यालय भजनीबाट खटिएको प्रहरीले बिहीबार पक्राउ गरेको जनाइएको छ । सो सम्बन्धमा प्रहरीले आवश्यक अनुसन्धान गरिरहेको जनाइएको छ ।
