धनगढी । कैलालीमा प्रहरीले लागुऔषध चरेशसहित एकजना पक्राउ गरेको छ ।
सोमबार बझाङको सुर्मा गाउँपालिका-२ घर भइ कैलालीको धनगढी उपमहानगरपालिका-४ स्थित चितवन होटेलमा कोठा गरी बसेका ५० वर्षीय जलहरी बोहरा चरेशसहित पक्राउ परेका हुन ।
सुदूरपश्चिम प्रदेश प्रहरी कार्यालय धनगढीका अनुसार बोहरालाई चेकजाँच गर्दा निजको साथबाट ५ केजी ५७६ ग्राम लागुऔषध चरेश जस्तो देखिने कालो पदार्थ फेला पारी उक्त पदार्थसहित नियन्त्रणमा लिइएको हो ।
बोहरालाई वडा प्रहरी कार्यालय धनगढी र लागुऔषध नियन्त्रण व्युरो शाखा कार्यालय महेन्द्रनगरबाट संयुक्त रुपमा खटिएको प्रहरी टोलीले नियन्त्रणमा लिएको जनाइएको छ ।
