डोटी । नेपाली कम्युनिस्ट पार्टी (नेकपा) ले आगामी फागुन २१ गते हुने प्रतिनिधि सभाको निर्वाचनको लागि सुदूरपश्चिममा उम्मेदवार टुङ्गो लगाएको छ। सोही अनुसारडोटीबाट नेकपाले सुदूरपश्चिम प्रदेशका पूर्वमुख्यमन्त्री त्रिलोचन भट्टलाई उम्मेदवार बनाउने भएको छ ।
भट्ट २०७४ को निर्वाचनमा तत्कालीन नेकपा (माओवादी केन्द्र) को तर्फबाट डोटी प्रदेश सभा (ख) बाट प्रदेशसभा सदस्यमा निर्वाचित भएर पाँच वर्ष सुदूरपश्चिम प्रदेशको मुख्यमन्त्री भएका थिए । मुख्यमन्त्री हुँदा आफ्नो लोकप्रियतालाई अझ उचाइँमा पु¥याएका भट्ट यसपटक भने प्रनिनिधि सभा सदस्यको दौडमा उत्रिएका छन् ।
२०७९ को निर्वाचनमा उम्मेदवार नबनेका भट्ट यस पटक प्रतिनिधिसभाको उम्मेदवार बन्ने भएका हुन् ।
साधारण जीवनशैली भएका भट्ट जनतामाँझ निकै लोकप्रिय नेताका रुपमा परिचित छन् । डोटीबाट भट्ट सँगै संविधानसभा सदस्य हर्कबहादुर सिंह, जङ्ग विक, अञ्जिता श्रेष्ठ, सिद्धराज विक, वीरबहादुर थापा, धनबहादुर विष्ट र प्रकाश जोशी सहित ८ जना उम्मेदवारको लागि सिफारिस भएका थिए ।
