धनगढी । गोदावरी नगरपालिकाका एकल महिलाहरुका लागि बेसर खेती सम्बन्धी तीन दिने तालिम शनिबारदेखि सुरु भएको छ ।
शैलेश्वरी रिसर्च एण्ड कन्सल्टिङ प्रालिको आयोजना तथा गोदावरी नगरपालिकाको सहयोगमा सुरु भएको तालिमको गोदावरी नगरपालिकाका नगर उपप्रमुख शारदादेवी रोकायाले उद्घाटन गरेकी छ्न ।
सो अवसरमा बोल्दै नगर उपप्रमुख रोकायाले यो तालिमले एकल महिलाहरुका लागि महत्वपूर्ण र व्यवसायी बन्न सहयोग पुग्ने बताइन ।
बेसार खेती तालिम लिएर व्यावसाय सुरु गरे आर्थिक रुपमा शसक्त हुने अवसर प्रदान हुने उनले बताइन । एकल महिलाहरुले समुह बनाएर यो व्यावसायिक खेती सुरु गरे नगरपालिकाले थप सहयोग गर्ने प्रतिवद्धता पनि जनाइन ।
गोदावरीका एकल महिलाहरुलाई उद्यमी बनाई आर्थिक रुपमा शसक्त बनाउन बेसर खेती सम्बन्धी तालिमको आयोजना गरेको मानव अधिकारका लागि महिला एकल महिला समुहका प्रदेश कार्यक्रम अधिकृत वेद अवस्थीले जानकारी दिए ।
गोदावरी नगरपालिका वडा नम्बर ३ का वडा अध्यक्ष चेतराज अवस्थी एकल महिलाहरुका लागि यो तालिम सञ्चालन गरि दिएकोमा सहयोगी संस्था गोदावरी नगरपालिका परिवारलाई र सहजीकरण मा सहयोग गर्ने मानवअधिकारको लागि महिला एकल महिला समुह कैलालीलाई धन्यवाद दिए ।
उनले महिलाहरु एकल भएको दिनदेखि संघर्ष सुरु हुने समाजले पनि फरक दृष्टिले हेरिरहेकोले अबदेखि एकल महिलाहरु आत्मनिर्भर भइ अगाडि आउन जरुरी रहेको बताए ।
मनाव अधिकारका लागि महिला एकल महिला समूहका जिल्ला अध्यक्ष मनोदरी भण्डारीको अध्यक्षतामा भएको कार्यक्रममा स्वागत मन्तव्य मनाव अधिकारका लागि महिला एकल महिला समुहका गोदावरी नगर सचिव जानकी बोहराले गरिन ।
कार्यक्रम संचालन समूहका प्रदेश कार्यक्रम अधिकृत वेद अवस्थीले गरेका थिए । कार्यक्रममा समूहका प्रदेश अध्यक्ष भगवती हमाल, गोदावरी नगरपालिकाका महिला बालबालिका तथा जेष्ठ नागरिक शाखाका प्रभा हमाल, कृषि शाखा प्रमुख प्रशिक्षक नन्दी मल्ल, हेमराज भट्ट र करुणा चन्दले प्रशिक्षण दिइरहेका छन । अत्तरियामा भैरहको तालिममा गोदावरी नगपालिकाका वडा नम्बर २, ३, ५, १०, ११ का एकल महिलाहरुको सहभागिता रहेको छ ।
