धनगढी । प्रहरीले सुदूरपश्चिमका तीन जिल्लाबाट अवैध भन्सार छलीका सामान नियन्त्रणमा लिएको छ ।
बुधबार कञ्चनपुरको विभिन्न स्थानबाट अवैध रुपमा भारतबाट भन्सार छली गरि ल्याएका अन्दाजी मूल्य रु.३ लाख ५३ हजार ३४२ बराबरको विभिन्न किसिमका कपडा, चप्पल, हाडवेयर, प्लाष्टिक डोरी, तरकारी, किरानाका सामान, एक थान मोटरसाइकललगायतका सामानहरु जिल्ला प्रहरी कार्यालय तथा मातहत कार्यालयबाट खटिएको प्रहरीले बेवारिसे अवस्थामा फेला पारी आवश्यक प्रक्रिया पूरा गरि नियन्त्रणमा लिएको हो ।
त्यस्तै,कैलालीको टीकापुर नगरपालिका-७ सोनाफाटाबाट अवैध रुपमा भारतबाट भन्सार छली गरि ल्याएका अन्दाजी मूल्य रु.२६ हजार ८०० बराबरको सुर्ती, बिडी, सलाई लगायतका सामानहरु इलाका प्रहरी कार्यालय टीकापुरबाट खटिएको प्रहरीले बेवारिसे अवस्थामा फेला पारी आवश्यक प्रक्रिया पूरा गरि नियन्त्रणमा लिएको जनाएको छ ।
त्यस्तै,दार्चुलाको महाकाली नगरपालिका-१ कलौनबाट अवैध रुपमा भारतबाट भन्सार छली गरि ल्याएका अन्दाजी मूल्य रु.२८ हजार ११ बराबरको चामल, पिठो, पाँपड लगायतका सामानहरु जिल्ला प्रहरी कार्यालय दार्चुलाबाट खटिएको प्रहरीले बेवारिसे अवस्थामा फेला पारी आवश्यक प्रक्रिया पूरा गरि नियन्त्रणमा लिएको जनाएको छ ।
