काठमाडौं – प्रधानमन्त्री कप क्रिकेटको उपाधि सशस्त्र प्रहरीको एपीएफ क्लबले जितेको छ । त्रिवि क्रिकेट मैदान भएको फाइनलमा एपीएफले नेपाल आर्मी क्लबलाई ४ विकेटले पराजित गर्यो ।
टस हारेर पहिले ब्याटिङको निम्तो पाएको आर्मीले निर्धारित ३९ ओभरमा अलआउट हुनु पूर्व १७९ रन जोड्यो । विवादका कारण ढिला सुरु भएको खेल ४० ओभरमा घटाइएको थियो ।
उपाधिसँगै एपीएफले नगद १० लाख पुरस्कार प्राप्त गरेको छ । उपविजेता बनेको आर्मीले ५ लाखमा चित्त बुझाएको छ । सेमिफाइनलबाट बाहिरिएका पुलिस क्लब र मधेश प्रदेशले ५०/५० हजार प्राप्त गर्यो ।
फाइनलमा आर्मीका लागि रोहित पौडेलले ४९ रन बनाए । जितेन्द्र मुखियाले नटआउट २४, सुशन भारीले १९, राजेश पुलामीले १६, कुशल मल्लले १६, हरि चौहानले १५ रन बनाए ।
एपीएफका लागि मौसम ढकाल र अमर रौटेलाले समान तीन तीन विकेट लिए । यस्तै किशोर महतोले २ विकेट लिए ।
१८० रनको लक्ष्य एपीएफले ३८ ओभर ३ बलमा पुरा गर्यो । यसका लागि भुवन कार्कीले ५५ रनको अर्धशतकीय इनिङ खेले ।
यस्तै सुमित महर्जनले ३४, प्रदीप ऐरीले, सन्दीप जोराले १७, र शरद भेशवाकरले नट आउट १६ रन बनाए । यस्तै आसिफ शेखले १४ रन जोडे ।
आर्मीका जितेन्द्र मुखियाले दुई विकेट लिए । यस्तै सोमपाल कामी, विक्रम सोब र सुशन भारीले समान एक एक विकेट लिए ।
