धनगढी- धनगढीमा गुरुजी लेडिज बुटिक सञ्चालनमा आएको छ । लेडिजका सम्पूर्ण कपडा सहित धनगढी मेनरोड स्थित माछापुच्छ्रे बैकं रहेको घरमा बुटिक सञ्चालनमा आएको हो । शनिवार एक कार्यक्रमका बिच बुटिकको उद्घाटन कैलाली उद्योग वाणिज्य संघका अध्यक्ष पुष्पराज कुँवरले गरेका हुन् । उद्घाटन गर्दै कुँवरले व्यवसाय सफलताको शुभकामना दिए ।
यस्तो आर्थिक मन्दीका बेला र बैकंहरुले ऋण समेत नदिइरहेको अवस्थामा आधुनिक किसिमको गुरुजी लेडिज बुटिक सञ्चालन गर्न सफल भएको भन्दै सञ्चालक सतिस जोशीको प्रशंसा गरे । धनगढीका लागी मात्रै नभएर यो बुटिक सुदूरपश्चिम प्रदेशकै लागी अति आवश्यक रहेको भन्दै उनले सबैको रोजाइमा बुटिक पर्ने विश्वास व्यक्त गरे ।
फेसन डिजाइनर सहित राखेर बुटिक सञ्चालन गरेका सतिस जोशीले सुदूरपश्चिममै पहिलो पटक आफूले प्रयास गरेको बताए । बुटिकका सञ्चालक समेत रहेका जोशीले प्रदेशको राजधानी रहेको धनगढीमा यस्तो किसिमको आधुनिक बुटिक आवश्यक भएकै कारण आफूले सञ्चालन गर्ने प्रयास गरेको बताए ।
गुरुजी बुटिकले मूल्य, गुणस्तर र समयलाई अरू भन्दा फरक किसिमले राखेको उनले बताए । बुटिकमा लेडिजहरुलाई चाहिने अफिसियल, बिहे, पार्टी, वर्तबन्ध, बर्थडे, एनिभर्सरी लगायत सबै किसिमको समान उपलब्ध छ । यस अघि केही वर्षदेखि सोही ठाउँमा पुरुषका लागी चाहिने सम्पूर्ण कपडा सहित गुरुजी सटिङ सुटिङ सञ्चालनमै छ ।
सुदूरपश्चिममै उत्कृष्ट बन्न सफल गुरुजी सटिङ सुटिङ जस्तै बुटिकपनि उत्कृष्ट बन्ने सञ्चालकले अपेक्षा लिएका छन् । अब लेडिज र जेन्सका लागी चाहिने सबै प्रकारका आधुनिक किसिमले बनाएका कपडा एउटै ठाउँमा उपलब्ध हुने भएपछि ग्राहकहरूलाई पनि सहज हुने सञ्चालकको भनाई छ । बुटिकले २२ जनालाई रोजगारी दिएको छ ।
