पोखरा – स्याङ्जाको पञ्चमूलको १४ ठाउँमा चोरी भएको छ । सोमबार राती स्याङ्जा आँधिखोला गाउँपालिका–१ पञ्चमूलमा वडा कार्यालय, गुम्बा, सहकारी, व्यक्तिको घर गरी १४ ठाउँमा चोरी भएको उक्त वडाका वडाध्यक्ष पवनकाजी अधिकारीले जानकारी दिए ।
व्यक्तिको घरबाट साढे १० तोला सुन चोरी भएको छ । वडा कार्यालयको ४५ हजार रुपैयाँ राजस्व, सहकारीको ३ हजार रुपैयाँ जति खुद्रा पैसा पनि चोरी भएको प्रारम्भिक जानकारी आएको छ,’ वडाध्यक्ष अधिकारीले भने ।
चोरी गर्ने व्यक्तिले सहकारीको सिसीटिभी फुटेजको हार्डड्राइभ पनि लगेको वडाध्यक्ष अधिकारीले बताए । यस बारेमा प्रहरीले थप अनुसन्धान गरिरहेको छ ।
