धनगढी । भोटेकोशी बाढी प्रभावितका लागि योङ कम्युनिस्ट लिग (वाईसीएल)नेपाल सुदूरपश्चिम प्रदेश समितिले रु. १ लाख १ हजार १ सय ११ सहयोग गरेको छ ।
प्राकृतिक प्रकोपपछि प्रत्यक्ष रूपमा प्रभावित क्षेत्रमा उपस्थित भई पुनर्निर्माण तथा राहत कार्यमा सहभागी हुन नसके पनि वाईसीएल नेपाल सुदूरपश्चिम प्रदेश समिति तथा सदस्यहरूबाट संकलित रकम केन्द्रीय कार्यालयको खातामा जम्मा गरेको हो ।
उक्त रकम बाढी प्रभावित क्षेत्रमा राहत तथा पुनर्निर्माणका लागि पठाइएको वाईसीएल नेपाल सुदूरपश्चिम प्रदेश समितिले जनाएको छ ।
समितिले विपद्को समयमा प्रभावित नागरिकलाई सहयोग गर्नु सबैको साझा दायित्व रहेको भन्दै राहत तथा पुनर्निर्माणमा आफ्नो तर्फबाट सक्दो सहयोग गर्ने प्रतिवद्धता जनाएको छ ।
