धनगढी- धनगढीको चैतन्य पाठशालाले उद्यमशीलता र स्वरोजगार विषयमा बिद्यार्थीहरुसँग बहस कार्यक्रम गराएको छ। चैतन्य पाठशालाको नियमित अभियान चैतन्य संवाद अन्तरगत पाठशालाले शुक्रवार उद्योग व्यवसायीको अनुभवलाई समेट्दै बिद्यार्थीहरुलाई उद्यमशीलता र स्वरोजगार विषयमा बहस कार्यक्रमको आयोजना गरेको हो ।
बिद्यार्थीहरुलाई संस्कारसहितको शिक्षा प्रदान गर्दै आएको पाठशालाले समय९समयमा विभिन्न मोटिभेसनल र जागरणताका कार्यक्रम गर्दै आएको छ । सोही मान्यतालाई आत्मसाथ गर्दै आज कार्यक्रममा विद्यार्थी हरुले व्यवसाय,उद्यमशीलता र स्वरोजगार सम्बन्धी राखेका जिज्ञासा हरुको बारेमा प्रस्ट पारिएको विद्यालयका सहायक प्रधानाध्यापक कटक सिंहले बताए।
विशेष वक्ता कैलाली उद्योग वाणिज्य सङ्घका वरिष्ठ उपाध्यक्ष एवं विशेष ग्रुप एन्ड इन्डष्ट्रिजका अध्यक्ष पुष्कर राज ओझाले आफ्ना व्यावसायिक जीवनका अनुभव र उद्यमशीलताका विभिन्न आयाम र यसका सम्भावना सहित विद्यार्थी हरुलाई प्रेरित गरेका थिए।सफल युवा व्यवसायी ओझाले बिद्यार्थीहरुलाई शिक्षासँगै मौलिककला, सिप तथा उद्यमशीलतामा पनि लाग्न सुझाएका थिए ।
सिप तथा उद्यमशीलताले बिद्यार्थीहरुलाई शिक्षित उद्यमशीलता, स्वरोजगार, युवा उत्प्रेरणा र समाज सेवाको क्षेत्र क्षत्रेमा टेवा पुग्ने विश्वास व्यक्त गरेका छन्। कार्यक्रममा चैतन्य पाठशालाका अध्यक्ष एवं चैतन्य एकेडेमीका प्रमुख कार्यकारी अधिकृत गणेश प्रसाद जोशीले युवा उद्यमी पुष्कर राज ओझालाई स्वरोजगार र उद्यमशीलताका बारेमा विद्यार्थीलाई जानकारी प्रदान गरेकोमा धन्यवाद व्यक्त गरे ।
प्रमुख कार्यकारी अधिकृत जोशीले युवा उद्यमी ओझालाई स्वरोजगार र उद्यमशीलताको क्षेत्रमा पुर्याउनु भएको योगदानको कदर गर्दै विद्यालयको तर्फबाट सम्मान प्रदान गरेका थिए।
