टीकापुर- कैलालीको टीकापुरस्थित वीरेन्द्र विद्यामन्दिर क्याम्पस व्यवस्थापन समितिको अध्यक्षमा महेन्द्रसिंह बम निर्वाचित भएका छन् ।शुक्रवार सम्पन्न मतदानबाट अध्यक्षमा बम निर्वाचित भएका हुन् ।
निर्वाचन अधिृकत चक्रबहादुर भण्डारीका अनुसार कुल ७५ मत मध्ये ५१ मत खसेकोमा बमले २८ मत प्राप्त गरेका छन् भने प्रतिस्पर्धी मातृकाप्रसाद तिमिल्सेनाले २३ मत प्राप्त गरेका छन् ।
बम निवर्तमान कार्यसमितिका सदस्य हुन् भने तिमिल्सेना उपाध्यक्ष हुन् । हिजो सम्पन्न क्याम्पस सभाले ८ जना सदस्य निर्विरोध चयन गरेको थियो ।
निर्विरोध चयन हुने सदस्यहरुमा दयाराम सञ्ज्याल, सुरेन्द्रकिशोर गिरी, वीरेन्द्र साउँद, जगदिश्वर पण्डित, लोकबहादुर खड्का छन् । त्यस्तै महिला सदस्यमा कृष्णा भण्डारी, दलित सदस्यमा राजेशकुमार टमट्टा र जनजाति सदस्यमा किशनलाल डगौरा थारु चयन भएका छन् ।
निर्वाचित सदस्यमध्येबाट एकजना उपाध्यक्ष चयन हुने व्यवस्था छ । निर्वाचित ९ जनाले २ जना सदस्य मनोनित गर्नेछन् भने ६ पदेन सदस्य रहेन गरी १७ सदस्यीय क्याम्पस व्यवस्थापन समिति रहेको क्याम्पस प्रमुख हर्क भण्डारीले जानकारी दिए ।
