कैलाली- जिल्ला प्रहरी कार्यालय कैलालीले दशै,तिहार छठको समयमा आपराधिक घटना हुन नदिन विशेष सुरक्षा योजना ल्याउने तयारी गरेको छ । आ.ब. २०७९ को चाडबाड हरूमा घटेका घटनाको आधारलाइृ टेकेर परिमार्जन सहितको विशेष सुरक्षा योजना ल्याइन लागेको जिल्ला प्रहरी कार्यालय कैलालीका प्रमुख एब प्रहरी उपरीक्षक देवेन्द्र बहादुर पालले निशाना न्युज लाई जानकारी दिए ।

यो वर्षमा आर्थिक लेनदेन हुने क्षेत्र,सार्वजनिक स्थान,सीमा नाकाहरू र बसपार्क क्षेत्रमाहरूमा सादा पोशाकमा प्रहरी परिचालन गरिने जिल्ला प्रहरी कार्यालय कैलाली ले जानकारी दिएको छ । चोरी डकैती हुन नदिन विशेष रूपमा ग्रामीण क्षेत्रहरूमा पनि प्रहरी परिचालन गरिने प्रहरी उपरीक्षक पालले बताए ।

काम गरी घर फर्कने नेपाली दिदीबहिनी दाजुभाइ नाकामा ठगिने गरेको सुन्नमा आउँछ त्यस्ता क्षेत्रहरूमा व्यापक प्रहरी परिचालन गरिने योजना रहेको पनि उनले बताए । निगरानी हामी सबै क्षेत्रमा गर्छौ उनले भने कस्ता क्षेत्रमा बढी अपराध हुन्छ अनुसन्धान गरी बढी निगरानी गर्ने योजना रहेको छ ।

विगतका वर्ष भन्दा यो वर्ष अपराध हुन नदिन कडाइका साथ लाग्ने योजना रहेको उनले बताए । गत वर्षको असोज महिनामा मात्रै सार्वजनिक अपराध, सवारी भवितव्य,चोरी लागु औषध,सवारी ज्यान, भवितव्य,बिषसेबन,फुटकर,जबरजस्ती करणी उद्योग,लिखत सम्बधि कसुर, झुण्डी ,ज्यान मार्ने उद्योग सवारी अंगभगं ज्यान सम्बन्धी कसुर, उपर्द,लगायतका ३९ घटना घटेको जिल्ला प्रहरी कार्यालय कैलालीको तथ्याङ्क मा उल्लेख छ ।