धनगढी- कैलालीको चुरे गाउँपालिकाको विकास लागी आफू कटिबद्ध भएर लाग्ने सुदूरपश्चिम प्रदेशका सामाजिक विकास मन्त्री झपट बहादुर साउदले बताएका छन । बसर युवा क्लब चरेले आयोजना गरेको सुदूरपश्चिम प्रदेश स्तरीय खुल्ला भलिबल चुरे कप २०८० को प्रतियोगिता उद्घाटन गर्दै मन्त्री साउँदले उक्त कुरा बताएका हुन ।

प्रतियोगिता प्रमुख अतिथि समेत रहेका मन्त्री साउँदले यस पालिकामा नमुना कबडल सहितको एउटा खेल मैदान बनाउनमा पहल गर्ने बताएका छन् । प्रदेश सरकारको खाका अनुसार यस गाउँपालिका एउटा नमुना विद्यालय समेत निमार्ण गर्ने मन्त्री साउँदले बताए ।

कार्यक्रमका विशिष्ट अतिथि रहेका सुदूरपश्चिम प्रदेशका प्रदेश सभा सदस्य प्रकाश बहादुर बमले आफूले निर्वाचनका बेलामा बोलेका बाचाहरू आफू पुरा गरेरै छोड्ने बताएका छन । उनले भने , हामीलाई जग्गा उपलब्ध भए आफ्नो कार्यकाल भित्रिमा एक वडा एक खेल मैदान बनाउने आश्वासन दिएका छन् ।

बसर युवा कल्बले पालिकामा स्वास्थ्य शिविर, खेलकुद लगायतका समाज रुपान्त्रण गर्ने गरेको क्लबका अध्यक्ष तथा कार्यक्रम सभापति गणेश देउवाले बताए । उनले हामी अहिले समाज विकासको मात्रै कार्य गरिरहेका छौ । यसमा हामीलाई साथ सहयोग गर्ने दातहरुलाई समेत धन्यवाद ज्ञापन गरेका छन् । अध्यक्ष देउवाले भने हामीले काम गर्ने हो । तर हामीलाई सबै निकायबाट साथ र सहयोगको आवश्यकता रहेको बताए ।

मन्त्री र सांसदलाई ४ बुँदे ज्ञापन पत्र

सुदूरपश्चिम प्रदेशका सामाजिक विकास मन्त्री झपट बहादुर र साउँद प्रदेश सभा सदस्य प्रकाश बहादुर बमलाई बसर युवा कल्बले ४ बुँदे ज्ञापन पत्र बुझाएको छ । जिल्लाको जिल्लाको सुगम गाउँपालिका रहे पनि भौगोलिकताका हिसाब गाउँपालिका दुर्गम भएको र यहाँ गर्ने सके पछि धेरै सम्भावना रहेको जस्तै कृषि,खेलकुद,पर्यटन र व्यापारको प्रचुर सम्भावना रहेकोले उक्त गाउँपालिका विशेष ध्यानमा राखी विकास गरी दिन आग्रह ज्ञापन पत्रमा लेखिएको छ ।

४ बुँदे माग निम्न बमोजिम छन :
१.चुरेको पर्यटन क्षेत्रको व्यवस्थापन
२. चुरे गाउँपालिका अन्तर्गत खेलकुद मैदान
३.कृषि अनुदान तथा उचित बजार व्यवस्थापन
४.शैक्षिक कार्यक्रमहरू

दुई खेलाडी सम्मानित
कल्बले गाउँपालिकाका दुई जना खेलाडीहरूलाई सम्मान गरेको छ । गाउँपालिकाबाट प्रतिनिधित्व गर्दै कबड्डी खेलमा क्षेत्रीय खलेको बन्दै कृष्णा क्षेडाल र सोही गाउँपालिकाकै व्याटम्यान्टीमा क्षेत्रीय खेल खेलेका चक्र बिसीलाई सम्मान गरेको हो ।