धनगढी- धनगढीमा थुपै निजी विद्यालयहरूको भीडमा अक्सफोर्ड युनिभर्स रेडिक्स (आवर) माध्यमिक विद्यालय पनि छ । धनगढी उपमहानगरपालिका वडा नम्बर ४ बोराडाँडीमा सञ्चालित यो विद्यालय २०६६ सालमा दर्ता भएको हो । तर विद्यालयले २०६७ सालदेखि मात्रै पठन–पठान सुरु गरेको हो ।

२०६७ सालमा कक्षा १ देखि ८ सम्म पठन–पाठन सुरु गरेको विद्यालयले २०६८ सालदेखि कक्षा कोठा बढाउन थाल्यो । अहिले यस विद्यालयमा नर्सरी देखि कक्षा १० सम्म पठन–पाठन हुँदै आएको छ । विद्यालयमा विशेष गरेर धनगढीको दुई वडा र गोदावरीको गेटाबाट विद्यार्थीहरू पठन–पाठन गर्न आउने गरेका छन् ।

धनगढीको वडा नम्बर ३, ४ र गोदावरीको ५ नम्बर वडाबाट विद्यार्थीहरू पढ्नका लागि आउने गरेका छन् । यस विद्यालयमा अङग्रजीसँगै नेपाली माध्यका पाठ्यक्रम पनि पठन–पाठन हुने गरेको छ । पाँच सय जना विद्यार्थी रहेको विद्यालयमा ३० जना शिक्षक, शिक्षिका छन् ।

अहिले पाठ्यक्रम विकास केन्द्रबाट पाठ्यक्रम परिमार्जन भएर आएकाले केही नेपाली पाठ्यक्रम समेत पठन–पाठन हुने गरेको अक्सफोर्ड युनिभर्स रेडिक्स (आवर) माध्यमिक विद्यालयका प्रिन्सिपल लोकराज पन्तले बताए ।

अहिले नेपाली, सामाजिक र हाम्रो धनगढी गरेर तीन वटा नेपाली पाठ्यक्रम नेपालीमा पठन–पाठन हुने गरेको र अन्य विषयहरू अङ्ग्रेजी माध्यमबाटै पठाई रहेको उनले बताए । अहिलेसम्मको एसइईको नतिजा हेर्ने हो भने यस विद्यालयले उत्कृष्ट नतिजा ल्याउन सफल भएको छ ।

विद्यालयमा पठन–पाठन सँगै अतिरिक्त क्रियाकलाप, विभिन्न धार्मिक स्थलहरूको भ्रमण लगायत प्रसिद्ध व्यक्तिहरू सँग अन्तरक्रिया कार्यक्रमहरू समेत गर्दै आइरहेको प्रिन्सिपल पन्तले बताए ।

निजी विद्यालयको छाता संगठन प्यापसनले आयोजना गर्न विभिन्न कार्यक्रममा यस विद्यालयले राम्रो नतिजा ल्याएर ट्रफि र मेडल समेत जितन सफल भएको छ ।

विद्यालयले आफै जमिन किनेर नयाँ भवनको निर्माण गरेर विद्यार्थीहरू लाई व्यवस्थित हिसाबले बसाउने लक्ष्य लिएको भएकाले अहिले त्यस कार्य सम्पन्न गर्न सफल भएको र दक्ष शिक्षक, शिक्षिका बाट पठन–पाठन गराउँदै आइरहेको प्रिन्सिपल पन्तले बताए ।

‘लामो अनुभव भएका १५÷२० वर्ष देखि अध्ययन अध्यापन गराई रहेका शिक्षकहरू हुनुहुन्छ । त्यसले गर्दा विद्यार्थीहरूमा राम्रो खालको शिक्षा दिन सकिन्छ भने मलाई लाग्छ । जसले गर्दा विद्यार्थीहरूमा सिक्न सजिलो हुन्छ भने हामीले विश्वास लिएका छौँ,’ प्रिन्सिपल पन्तले भने ।
आगामी दिनमा विद्यालयको स्तरोन्नति गरेर प्लस टु सम्म लैजाने योजना रहेको पन्त बताउँछन् ।

विद्यालयमा थप नयाँ भवन बनाएर होस्टल, आवाससँगै विद्यार्थीहरूलाई प्रविधिमा जोडनका लागि विज्ञान प्रयोगशाला लगायत कम्प्युटर ल्याबलाई अझै व्यवस्थित गरेर लैजाने योजना रहेको उनले बताए ।

उनले ठुलो कक्षाका विद्यार्थीहरूलाई अहिले प्रोजेक्टरको माध्यमबाट र सानो कक्षाका विद्यार्थीहरूलाई मनिटरबाट अडियो भिडियोबाट कक्षा सञ्चालन गर्दै आइरहेको बताए । अब नयाँ शैक्षिक सत्रबाटै पलस टु सम्म पठन–पाठन गर्न तयारीका साथ अगाडि बढिरहेको प्रिन्सिपल पन्तले बताए ।

उनको दाबी अनुसार अभिभावकको चाहानाअनुसार विद्यालयले विद्यार्थीहरूलाई शिक्षा दिइरहेको छ । विद्यार्थीहरूलाई पढाई सँगै अन्य क्रियाकलापहरूमा पनि अवसर दिने गरिएको छ ।

निजी विद्यालयमा १२ प्रतिशत छात्रवृत्ति दिने गरेको भएपनि आफ्नो विद्यालयले १७ प्रतिशतका दरले छात्रवृत्ति दिने गरेको उनले बताए । ‘विद्यालयमा पढ्ने विद्यार्थीलाई पैसा अभावले गर्दा विद्यार्थीले पढाई छोड्नुपर्ने बाध्यता छैन्,’ उनले भने ।