धनगढी- राष्ट्रसेवक बचत तथा ऋण सहकारी संस्था लिमिटेड कैलालीको १६ औँ साधारणसभा शनिबार सम्पन्न भएको छ । साधारण सभाका प्रमुख अतिथि सुदूरपश्चिम प्रदेशका पूर्ब मन्त्री तथा प्रदेशसभा सदस्य सन्तोष शर्मा थापा रहेकी थिइन् । उनले सहकारी संस्थाहरु सहकारीका मूल्य मान्यता, सिद्धान्त अनुसार अगाडि बढ्नुपर्ने बताइन् ।

तीन खम्बे नीति अन्र्तगत सहकारी पनि एक खम्बा भएकाले आर्थिक विकासमा महत्पूर्ण भूमिका रहेको उनले बताइन् । प्रदेश सरकारले सहकारीहरुलाई उच्च प्राथमिकता राखेर आवश्यक नीति बनाउन आफू लागिपर्ने बताइन् । कार्यक्रममा सुदूरपश्चिम प्रदेश लोकसेवा आयोगका सदस्य लक्ष्मण खड्काले सहकारी संस्थाले निम्न आए भएकाहरुलाई बचत गर्ने बानी बसालेको बताए । उनले अहिले सहकारीमा थुप्रै समस्या देखिएको बताउँदै सहकारीको मूल्य र मान्यता अनुसार सहकारी चलाउन आवश्यक रहेको बताए ।

कार्यक्रममा विभिन्न व्यक्तिहरुले सहकारी संस्थाले आर्थिक क्षेत्रमा पुगाएको योगदानका बारेमा चर्चा गरेका थिए । कार्यक्रममा राष्ट्रसेवक बचत तथा ऋण सहकारी संस्थाका सल्लाहकार भुपेन्द्र थापा, जयदेव जोशी, जनकराज जोशी, श्यामराज पाण्डेय, रामचन्द्र जोशी लगायतले शुभकामना मन्तव्य व्यक्त गरेका थिए ।  झण्डै छ सय शेयर सदस्य रहेको सो सहकारीको बार्षिक साधारणसभामा विभिन्न व्यक्तिहरुलाई सम्मानित गरिएको थियो ।

यस्तै गरी शेयर सदस्यहरु मध्येबाट जेष्ठ सदस्य प्रेम ठकुल्ला, धर्मराज जैशी, रामचन्दी दमाईलाई सम्मानित गरिएको छ । नियमित बचत कर्ता तर्फ प्रेमबहादुर बोहरा, धौली केसी, असल ऋणीतर्फ ओमप्रकाश बोहरा, सरितकुमारी थापालाई सम्मानित गरेको छ ।

यस्तै शेयर सदस्यका छोरा÷छोरी मध्ये बाट एसईईमा उत्कृष्ट नतिजा ल्याउनेलाई पनि सम्मान गरेको छ । सम्मानित हुनेमा दुर्गा अधिकारीका छोरा सार्थक आचार्य तथा हिमाल गिरीका छोरी सुभेच्छा गिरी रहेका छन् । संस्थाका अध्यक्ष लोकराज पनेरुको अध्यक्षतमा भएको कार्यक्रको सञ्चालन सचिव धर्मराज चौधरीले गरेका हुन् ।
विद्यालयलाई सहयोग
सो सहकारीले हरेक बर्ष सामाजिक सेवामा पनि सहयोग गर्दै आएको छ । सो कार्य अन्तर्गत अत्तरियामा सञ्चालित सुप समाबेशी आधारभूत विद्यालयमा आश्रित बालबालिकालाई सहयोग गरेको छ । आश्रित बालबालिकालाई १० वटा कम्मल एक क्वीण्टल २५ किलो चामल, २५ किलो दाल नुन सहयोग गरेको सहकारीका व्यवस्थापक प्रवेश श्रेष्टले बताए ।