धनगढी-राष्ट्रियसभा सदस्यको निर्वाचनका लागि सुदूरपश्चिममा मतदान सुरु भएको छ । यहाँ बिहीबार बिहान ९ बजे देखि मतदान सुरु भएको हो ।

यस प्रदेशमा तीन जना राष्ट्रियसभा सदस्यका लागि निर्वाचन भइरहेको छ । सुदूरपश्चिममा नेकपा माओवादी केन्द्रका हरिराम चौधरी ‘उत्सव’ र महेश महरा तथा नेकपा नेकपा एमालेका इन्दु कडरियाको पदावधि सकिन लागेको छ ।

सत्तारुढ गठबन्धनको तर्फबाट अन्यबाट नेपाली कांग्रेसका बलदेव बोहरा, अपाङ्ग तथा अल्पसङ्ख्यकबाट कांग्रेसकै नारायणदत्त भट्ट र महिलातर्फ माओवादी केन्द्रकी रेणु चन्द उम्मेदवार छिन् । त्यस्तै नेकपा एमालेबाट अन्यतर्फ ईश्वरी खरेल, महिलातर्फ सावित्री घिमिरे र अपाङ्गतातर्फ रामचन्द्र जोशी उम्मेदवार छन् । प्रदेशसभाका सदस्य र स्थानीय तहका प्रमुख÷उपप्रमुख तथा अध्यक्ष÷ उपाध्यक्षले मतदान गरिरहेका छन् ।