डडेल्धुरा- राष्ट्रिय प्राकृतिक स्रोत तथा वित्त आयोगले गरेको कार्यसम्पादन मूल्यांकनमा सुदूरपश्चिममा डडेल्धुराको अमरगढी नगरपालिका पहिलो बनेको छ। देशभरको आधारमा भने अमरगढी ११ औं स्थानमा रहेको छ ।

आयोगले बुधबार सार्वजनिक गरे अनुसार अमरगढी नगरपालिकाले ४८.९९ प्रतिशत अङ्क प्राप्त गरि ११ औं स्थान तथा सुदूरपश्चिमको प्रथम स्थान प्राप्त गर्न सफल भएको छ ।

डडेल्धुरा जिल्लागत आधारमा गन्यापधुरा गाउँपालिका ४१।९१ अंक सहित दोश्रो । यस्तै नवदुर्गा गाउँपालिकाकाले ३४।६०। अजयमेरु गाउँपालिकाले २८।७४, भागेश्वर गाउँपालिकाले ३६।४८, परशुराम नगरपालिकाले ३८.२८, आलिताल गाउँपालिका सबैभन्दा पछाडि रहि २१.८३ प्रतिशत अंक पाएको राष्ट्रिय प्राकृतिक स्रोत तथा वित्त आयोगले सार्वजनिक गरेको विवरणमा उल्लेख गरेको छ ।

आयोगले प्रदेश तथा स्थानीय तहको कार्यसम्पादन मूल्यांकन कार्यविधि २०७८ अनुसार विभिन्न १७ सूचकको आधारमा मूल्यांकन गरेको छ । जसमा असार १० भित्र बजेट पेश गरे(नगरेको, असार मसान्त भित्र बजेट पारित गरे÷नगरेको, आय व्ययको प्रक्षेपण पुस मसान्तभित्र अर्थ मन्त्रालयमा पेश गरे÷नगरेको, बजेटको वर्षिक समिक्षा गरी कार्तिक मसान्तभित्र सार्वजनिक गरे÷नगरेको, विनियोजित रकम अनुसार खर्चको व्यवस्था, बेरुजुको अवस्था स्थानीय सञ्चित कोष व्यवस्थापन प्रणाली ९सूत्र०को प्रयोग गरे÷नगरेको जस्ता सूचकहरुका आधार लगाएतको मुल्यांकन गरिएको छ ।

प्रदेश तथा स्थानीय तहको कार्यसम्पादन मूल्यांकन कार्यविधि २०७८ को दफा ७ अनुसार कार्य सम्पादन मूलल्यांकन गरी अंक प्रदान गरिएको र प्राप्त अंकमा चित्त नबुझे ७ दिनभित्र निवेदन दिन भनिएको छ । कुनै स्थानीय तहको तथ्यांक गलत भएको भए एकसाताभित्र समिक्षा गरी अन्तिम नतिजा सार्वजनिक गर्न सकिने छ।