कञ्चनपुर- कञ्चनपुरमा ट्रक, टिप्पर र कार एक आपसमा ठोक्किँदा दुर्घटना भएको छ । जिल्लाको कृष्णपुर नगरपालिका–५ गुलरीया बजार नजिकै ट्रक, टिप्पर र कार एक आपसमा ठोक्किएर दुर्घटना भएको प्रहरीले जनाएको छ।
गुलरीया बजारदेखि ५ सय मिटर पश्चिममा ट्रक र टिप्पर एक आपसमा ठोक्किँदा सँगसँगै गुडिरहेको कार पनि अनियन्त्रित भएर दुर्घटना भएको हो।
दुर्घटनामा कार सडकदेखि १० मिटर तल खसेको छ। दुर्घटनामा केही व्यक्ति घाइते भएपनि विस्तृत विवरण नआएको इलाका प्रहरी कार्यालय गुलरीयाका प्रमुख कर्ण बहादुर बोगटीले बताएका छन। उनले घटनास्थलमा प्रहरी परिचालन गरिएको बताए।
