धनगढी – कैलाली र कञ्चनपुरबाट प्रहरीले अवैध भन्सार छलिका सामान नियन्त्रणमा लिएको छ ।
शुक्रबार कैलालीका विभिन्न स्थानहरुबाट अवैध रुपमा भारतबाट भन्सार छलि गरि ल्याएका रु.१ लाख ९१ हजार ६६० बराबरको डिउ बोतल, प्याज, चिनी, सुर्ती, बिडी, कुरकुरे, लिचीका बोट, कागतीका बोट, अंगुरका बोट, प्लाष्टिक झिल्ली लगायतका सामानहरु जिल्ला प्रहरी कार्यालय कैलाली मातहत कार्यालयबाट खटिएको प्रहरी गस्ती टोलीले वेवारिसे अवस्थामा फेला पारी नियन्त्रणमा लिएको प्रहरीले जनाएको छ ।
त्यस्तै कञ्चनपुरका विभिन्न स्थानहरुबाट अवैध रुपमा भारतबाट भन्सार छलि गरि ल्याएका रु.१ लाख १० हजार ४२० बराबरको भेष्ट, गञ्जी, सिस्टम, डिउ,साईकललगायतका सामानहरु जिल्ला प्रहरी कार्यालय कञ्चनपुर मातहत कार्यालयबाट खटिएको प्रहरी गस्ती टोलीले फेला पारी नियन्त्रणमा लिएको सुदूरपश्चिम प्रदेश प्रहरी कार्यालय धनगढीले जनाएको छ ।
