काठमाडौं । दैलेख, महाबु गाउँपालिका ३ बासी बस्ने १७ वर्षीया सपना बुढा र सोही ठाउँ बस्ने १७ वर्षीया भावना बुढाको सोही ठाउँस्थित छामघाट खोलाले बगाएर शुक्रबार दिउँसो मृत्यु भएको छ ।

पौडी खेल्ने क्रममा उक्त खोलाले बगाएर बेपत्ता भएको भन्ने खबर प्राप्त हुनासाथ प्रहरी चौकी भैरवीबाट खटिएको प्रहरीले खोजी गर्ने क्रममा महाबु गाउँपालिका ५ सार्की खेत भन्ने स्थानमा सपनाको शव र भैरवी गाउँपालिका २ स्थित कुन्टेताल भन्ने स्थानमा भावनाको शव फेला परेको हो ।

धनुषा, सबैला नगरपालिका ९ भठियन बस्ने बिन्देश्वर मुखियाको छोरा १६ महिनाको सुमित मुखियाको आफ्नै घरको आँगन रहेको प्लाष्टिकको बाल्टिनमा भरी राखिएको पानीमा डुबेर शुक्रबार दिउँसो मृत्यु भएको छ । डुबेर अशक्त भएका उनको प्रादेशिक अस्पताल जनकपुरमा उपचारको क्रममा मृत्यु भएको हो । झापा, शिवसताक्षी नगरपालिका ४ बस्ने ४० वर्षीय चुन्दे मुर्मुको गौरीगंज
गाउँपालिका १ स्थित टुनु बस्ती नजिकै रहेको पानी जमेको होलीमा डुबेर शुक्रबार दिउँसो मृत्यु भएको छ । माछा मार्ने क्रममा डुबेर अशक्त भएका उनको नगर अस्पताल शिवगंज हुँदै बिएण्डसी अस्पताल बिर्तामोडमा थप उपचारको क्रममा मृत्यु भएको हो ।
सिराहा, बरियारपट्टी गाउँपालिका ४ सोहपुर बस्ने कबिन सिंहको छोरा ६ वर्षीय डेबिड सिंहको सोही ठाउँस्थित पोखरीमा डुबेर शुक्रबार साँझ मृत्यु भएको छ ।

डुबेर अशक्त भएका उनको उपचारको लागि लहानतर्फ लैजाने क्रममा बाटोमै मृत्यु भएको हो । रौतहट, गढीमाई नगरपालिका ६ स्थित खाल्डोमा जमेको पानीमा डुबेर सोही ठाउँ बस्ने १७ वर्षीय राजु राय यादवको शनिबार दिउँसो मृत्यु भएको छ । डुबेर अशक्त भएका उनको अनामिका अस्पताल गरूडामा उपचारको क्रममा मृत्यु भएको हो । यस सम्बन्धमा प्रहरीले आवश्यक अनुसन्धान गरिरहेको छ ।