धनगढी- सुदूरपश्चिम प्रदेशमा जबरजस्ती करणीका घटना बढ्दै गएको तथ्यांकले देखाएको छ । पछिल्लो समय सुदूरपश्चिममा जबरजस्ती करणीका घटना बढ्दै गएका हुन् ।
गत आर्थिक वर्ष २०८०/८१ मा मात्रै दुई सय दुई जबरजस्ती करणीका घटना दर्ता भएको सुदूरपश्चिम प्रदेश प्रहरी कार्यालयका प्रवक्ता एवं एसएसपी डिल्लीराज विष्टले निशाना न्युजलाई जानकारी दिए ।
सवै भन्दा बढी कैलालीमा ८१ जबरजस्ती करणीका घटना दर्ता भएका छन । त्यस्तै ,कञ्चनपरमा ४१ घटना दर्ता भएको उनले वताए । वैतडीमा २२,अछाममा १२,बझाङमा ११,बाजुरामा १०,डडेल्धुरामा १० घटना दर्ता भएको उनले वताए । डोटीमा ८,दार्चुलामा ७ जबरजस्ती करणीका घटना दर्ता भएको उनले वताए ।
‘यौन दुव्र्यवहारका ४,बालयौन दुराचारका १४,जबरजस्ती करणी उद्योगका ५३ घटना दर्ता भएका छन्’ उनले भने ‘बालविवाहका ७,बहुविवाहका ८० र मानव बेचविखन तथा ओसारपसारका ८ मुद्धा दर्ता भएका छन् ।’
बहुविवाहका घटना अन्तरगत अछाममा पाँच,बझाङमा आठ,बाजुरामा आठ,डोटी चार, कैलालीमा २९, दार्चुलामा दुई, बैतडीमा छ,डडेल्धुरामा पाँच र कञ्चनपुरमा १३ वटा मुद्धा दर्ता भएको उनले वताए । बहुविवाहको मुद्धा दर्तामा पनि सबै बढी कैलाली र कञ्चनपुर रहेको उनले वताए ।
बालविवाह अन्तरगत बाजुरामा एक,डोटीमा एक,कैलालीमा तीन, बैतडीमा एक,डडेल्धुरामा एक गरी सात मुद्धा दर्ता भएका छन । जबरजस्ती करणी उद्योगमा अछाममा चार,बझाङमा चार,बाजुरामा चार,डोटीमा तीन, कैलालीमा १५,बैतडीमा छ,डडेल्धुरामा दुई र कञ्चनपुरमा १५ मुद्धा दर्ता भएका छन । त्यस्तै,यौन दुव्र्यवहारका अछाममा एक, बझाङमा एक,कैलालीमा एक, कञ्चनपुरका एक मुद्धा दर्ता भएको जनाइएको छ । बालयौन दुराचारमा कैलालीमा आठ,डडेल्धुरामा एक र कञ्चनपरमा ५ मुद्धा दर्ता भएको उनले वताए ।
