धनगढी- सुदूरपश्चिम प्रदेशमा जबरजस्ती करणीका घटनाको दर बढेको छ । गत आर्थिक वर्ष २०८०/८१ मा मात्रै २ सय २ जबरजस्ती करणीका मुद्धा दर्ता भएका छन ।
आर्थिक वर्ष २०७९/८० जबरजस्ती करणीका १ सय ९१ मुद्धा दर्ता थिए । आर्थिक वर्ष २०७९/८० मा भन्दा २०८०/८१ मा ११ वटा बढी मुद्धा दर्ता भएको सुदूरपश्चिम प्रदेश प्रहरी कार्यालयको तथ्याङ्कमा उल्लेख छ ।
सबैभन्दा बढी २०७८/७९ मा २ सय ३६ जबरजस्ती करणीका मुद्धा दर्ता भएको सुदूरपश्चिम प्रदेश प्रहरी कार्यालयका प्रवक्ता एसएसपी डिल्लीराज बिष्टले निशाना न्युजलाई जानकारी दिए ।
‘तथ्याङ्कलाई हर्ने हो भने पछिल्लो समय जबरजस्ती करणीका मुद्धा दर्तामा केही बढेर गएको देखिन्छ’ उनले भने ‘यसलाई कम गर्न प्रहरी सकृयताका साथ लागेको छ ।’ मुद्धा दर्ता गर्ने दर सहरी क्षेत्रमा बढी छ । कैलालीमा आर्थिक वर्ष २०७८/७९ मा १ सय १५,२०७९/८० मा ८९ र २०८०/८१ मा ८१ मुद्धा दर्ता भएको तथ्याङ्कले देखाएको छ । कैलालीमा अन्य आर्थिक वर्षभन्दा क्रमशः मुद्धा दर्ता घट्दो क्रममा रहेको छ ।
कञ्चनपुरमा भने बढदो क्रममा रहेको छ । आव २०७८/७९ मा ३२, २०७९/८०मा ४० र गत आर्थिक वर्षमा ४१ मुद्धा दर्ता भएका छन । गत आर्थिक वर्षमा अछामा १२,बझाङमा ११,बाजुरामा १०,डोटीमा ८, दार्जुलमाा ७,बैतडीमा २२,डडेल्धुरामा १० र आर्थिक बर्ष २०७९।०८० मा अछाममा ९,बझाङमा १०, वाजुरामा ११,डोटीमा ८,दार्चुलामा ७, बैतडीमा १४,डडेल्धुरामा ३ मुद्धा दर्ता भएको विष्टले वताए ।
आर्थिक वर्ष २०७८/०७९ मा अछाममा १३, बझाङमा १५,बाजुरामा १३,डोटी २०,दार्चुलामा ९, वैतडीमा १२,डडेल्धुरामा ७ मुद्धा दर्ता भएको उनले वताए । त्यस्तै गत आर्थिक वर्षमा जवरजस्ती करणी उद्योगमा ५३ मुद्धा दर्ता भएका छन । आर्थिक वर्ष २०७९/८०मा ६३ र २०७८/०७९मा ९२ मुद्धा दर्ता भएको कार्यालयको तथ्याङ्कमा उल्लेख छ ।
जबरजस्ती करणी उद्योगका मुद्धा अन्य आर्थिक वर्ष भन्दा गत आर्थिक वर्षमा घटेको देखिन्छ । बहुविवाहका मुद्धा दर्ता भने सबै आर्थिक बर्षमा एकनासको रहेको छ । बहुविवाहमा आर्थिक वर्ष २०७८/०७९ मा ८१ ,२०७९/०८०मा ८० र २०८०/०८१ मा ८० मुद्धा दर्ता भएको प्रवक्ता विष्टको भनाइ छ ।
अपहरण तथा जबरजस्ती करणीका २०७८/०७९ मा १,२०७९/०८०मा १ र आर्थिक वर्ष २०८०/८१ मा ५ मुद्धा दर्ता भएको जनाइएको छ ।
