धनगढी- प्रहरीले कैलालीका विभिन्न स्थानबाट भन्सार छ्लीका सामान बरामद गरेको छ ।
जिल्लाको धनगढी उपमहानगरपालिका–२ आदर्श चोक, भजनी नगरपालिका–७ शिबिर टोल र टीकापुर नगरपालिका– ९ ठोसे बजारस्थित भित्री सडक खण्डबाट अवैध रुपमा भारतबाट भन्सार छली गरि ल्याएका अन्दाजी रु ४ लाख ८७ हजार ८५० मूल्य बराबरको सामान प्रहरीले नियन्त्रणमा लिएको हो।
उक्त मूल्य बराबरको चिनी, हरियो खुर्सानी, बदाम, जुत्ता, जुत्ती, माछा, भारतीय नम्बर प्लेटका ३ थान मोटरसाइकल लगायतका सामान जिल्ला प्रहरी कार्यालय कैलाली मातहत कार्यालयबाट खटिएको प्रहरी गस्ती टोलीले बेवारिसे अवस्थामा फेला पारी नियन्त्रणमा लिएको जनाइएको छ ।
