धनगढी । कैलाली र कञ्चनपुरबाट प्रहरीले लागु औषध सहित ५ जनालाई पक्राउ गरेको छ । कैलालीको धनगढी बाट ३ र कञ्चनपुरबाट २ जनालाई बिहिबार साँझ प्रहरील उनीहरुलाई पक्राउ गरेको हो ।
कैलाली, धनगढी ३ शिशा पोष्ट नजिकबाट १३ बस्ने बर्ष २० को रमेश रानालाई १ ग्राम ३८० मिलिग्राम लागू खैरो हेरोइन जस्तो देखिने धुलो पदार्थ सहित जिल्ला प्रहरी कार्यालय कैलालीबाट खटिएको प्रहरी टोलीले नियन्त्रणमा लिई पक्राउ गरि, थप अनुसन्धान भईरहेको जनाएको छ ।
, धनगढी ३ बोराडाँडीबाट सोही ठाउँ बस्ने बर्ष २९ को गोबिन्द सिहं महरालाई २३० मिलिग्राम लागू औषध खैरो हेरोइन जस्तो देखिने धुलो पदार्थ सहित जिल्ला प्रहरी कार्यालय कैलाली रअस्थायी प्रहरी पोष्ट चटकपुर, कैलालीबाट खटिएको प्रहरी टोलीले नियन्त्रणमा लिएको, थप
अनुसन्धान भईरहेको छ ।
धनगढी ३ सिसा पोष्ट नजिकबाट जिल्ला कञ्चनपुर, शुक्लाफाँटा नगरपालिका ७ बस्ने बर्ष २२ को प्रकाश घरेडीलाई ३७ ट्याब्लेट नाईट्रापाम नामक लागू औषध सहित जिल्ला प्रहरी कार्यालय कैलालीबाट खटिएको प्रहरी टोलीले नियन्त्रणमा लिएको, थप अनुसन्धान भईरहेको छ ।
त्यस्तै कञ्चनपुरको भिमदत्त ११ गड्डाचौकीमा १८ बस्ने बर्ष २१ को मोहन बस्नेतको शरिर चेकजाँच गर्दा निजको साथबाट ७।६५ ग्राम लागू औषध खैरो हेरोइन जस्तो देखिने धुलो पदार्थ बरामद भएकोमा उक्त पदार्थ र निजलाई इलाका प्रहरी कार्यालय गड्डाचौकी, कञ्चनपुरबाट खटिएको प्रहरी टोलीले नियन्त्रणमा लिएको, थप अनुसन्धान भईरहेको छ ।
लागू औषध चरेश बिक्री वितरण भई रहेको भन्ने गोप्य सुचनाको आधारमा जिल्ला कञ्चनपुर, भिमदत्त न.पा. ९ खल्ला बस्ने वर्ष ७७ को डबल कठायतको घर कोठा खानतलासी गर्दा ७९।५० ग्राम लागू औषध चरेश जस्तो देखिने कालो पदार्थ सहित इलाका प्रहरी कार्यालय ब्रह्मदेव, कञ्चनपुरबाट खटिएको प्रहरी टोलीले नियन्त्रणमा लिएको, र उनको थप अनुसन्धान भईरहेको प्रहरीले जानकारी दिएको छ ।
