धनगढी । कैलालीमा अवैध भन्सार छ्लीका सामान बरामद गरिएको छ ।
सोमबार जिल्लाको धनगढी उपमहानगरपालिका-२ मिलन चोक र तिल्केताल वडा नं ३ मिलन चोक, वडा नं.४ बोराडाँडी र भजनी नगरपालिका-७ हिम्मतपुरबाट अवैध रुपमा भारतबाट भन्सार छली गरि ल्याएका अन्दाजी रु.३ लाख ८६ हजार १५० बराबरको सामान बरामद गरिएको प्रहरीले जनाएको छ ।
उक्त मूल्यको मिश्री, पानीपुरी, मिठाई, पास्ता, बिस्कुट, बिडी, सुर्ती, कुर्ती, सुटपिस, प्लाजु, दोपट्टा, पेट्रोलपम्पलगायतका सामानहरु जिल्ला प्रहरी कार्यालय कैलाली तथा मातहत कार्यालयबाट खटिएको प्रहरी गस्ती टोलीले बेबारिसे अवस्थामा फेला पारी नियन्त्रणमा लिएको जनाइएको छ ।
