धनगढी । प्रवासी नेपालीहरुले सुदूरपश्चिमको विकासका लागि लगानी गर्न तयार रहेको बताएका छन ।
बुधबार सुदूरपश्चिम प्रदेश सरकारले नीति तथा कार्यक्रम : लगानी तथा विकास सम्मेलन २०८२ सम्बाद कार्यक्रममा वक्ताबाट भर्चूअल मार्फत सुझाव लिएको थियो । लगानी तथा विकास सम्मेलनको तयारीमा रहेको प्रदेश सरकारले सुदूरपश्चिमको विकासमा टेवा पुर्याउनका लागि सम्मेलनको आयोजनाको तयारी गरिरहेको छ ।
विभिन्न क्षेत्रका विज्ञहरुसँगको छलफल र संवाद पश्चात आज प्रवासमा रहेर व्यवसाय गरिरहेका प्रवासी नेपालीहरुसँग कसरी लगानी भित्र्याउन सकिन्छ, भन्ने विषयमा प्रदेश सकारले भर्चूअल मार्फत सल्लाह सुझाव लिएको थियो । उनीहरुले लगानीमैत्री वातावरण बनाउन प्रदेश सरकारलाई सुझाव दिएका थिए । उनीहरुको प्राथमिकता,आवश्यकताहरुको पहिचान र त्यसमा लगानीको वातावरण निर्माण गरि कुन क्षेत्रमा योगदान पुर्यानउँदा प्रदेशलाई समृद्ध बनाउन सकिन्छ भन्ने विषयमा केन्द्रित थियो ।
सुदूरपश्चिम सरकारकाले लगानीमैत्री वातावरणको निर्माण गरि पूँजीको सुनिश्चिता गर्न सकिने आधार निर्माण भए ठूलो पूँजी नेपालमा भित्रिनेमा बक्ताको जोड थियो । भर्चूअलमा अमेरिका,क्यानडा,साउथ अफ्रिका,अष्ट्रेलिया रसिया लगायतका देशमा व्यवसाय गर्दै आएका एनआरएनहरुको सहभागिता रहेको थियो ।
सुदूरपश्चिम प्रदेशका मुख्यमन्त्री कमलबहादुर शाहले प्रवासमा रहेका नेपालीहरुलाई समृद्ध नेपाल निर्माणमा योगदान पुर्याउन आग्रह गरे । उनले विदेशमा सिकेको सीप र आर्जन गरेको पूँजी नेपालमा लगानी गर्न आग्रह गरेका छन् । ‘लगानीमैत्री वातावरण बनाउन प्रदेश सरकार तयार छ’, मुख्यमन्त्री शाहले भने ।
