धनगढी । धनगढीमा पत्रकारका लागि अनलाइन मल्टिमिडिया प्रशिक्षण सुरु भएको छ । नेपाल पत्रकार महासंघ सुदूरपश्चिम प्रदेश समितिको आयोजनामा दुई दिने अनलाइन मल्टिमिडिया प्रशिक्षण सुरु भएको हो।
पशिक्षण कार्यक्रमको सुदूरपश्चिम प्रदेश प्रमुख नजिर मियाँले आज उद्घाटन गरेका छन् । कार्यक्रममा शुभकामना दिँदै प्रदेश प्रमुख मियाँले भने ‘मिडियाकर्मीहरूले प्राविधिक सीप नवीकरण गर्नुपर्छ। सूचनाको अधिकार कार्यान्वयनमा अनलाइन माध्यमको भूमिका अहम् छ। यस प्रशिक्षणले सुदूरपश्चिमका पत्रकारहरूको क्षमता अभिवृद्धि गर्नेछ । प्रदेश सरकारले सूचना पहुँचमा सहयोग जारी राख्नेछ।’
नेपाल पत्रकार महासंघ सुदूर पश्चिम प्रदेश अध्यक्ष भरत शाहको अध्यक्षतामा संचालित कार्यक्रममा कार्यक्रममा पत्रकार महासंघ कैलालीका अध्यक्ष श्रवण देउवाले स्वागत मन्तव्य राखेका थिए । उद्घाटन कार्यक्रमको सञ्चालन महासंघका प्रदेश समितिका महासचिव शिवराज भट्टले सञ्चालन गरेका थिए ।
जेठ १८ गते आइतबारसम्म सञ्चालन हुने प्रशिक्षण कार्यक्रममा प्रशिक्षक विकास कार्कीको नेतृत्वमा सञ्चारकर्मीहरूलाई अनलाइन समाचार प्रविधि, मल्टिमिडिया सामग्री निर्माण र सोसियल मिडिया व्यवस्थापन सम्बन्धी प्रशिक्षण दिइने जनाइएको छ ।
कार्यक्रम आन्तरिक मामिला तथा कानुन मनत्रालयको सहयोगमा सञ्चालन गरिएको जनाइएको छ । प्रशिक्षण कार्यक्रमबाट प्रदेशभरि डिजिटल पत्रकारिता गुणस्तर सुधार्ने अपेक्षा गरिएको छ।
