धनगढी । सुन्दर सुदूरपश्चिम यातायात प्रालिले आजबाट धनगढी–पोखरा रुटमा स्तरीय भीआइपी सोफा एसी बस सञ्चालनमा ल्याएको छ । उक्त सेवाको कैलालीका प्रमुख जिल्ला अधिकारी गोगनबहादुर हमालले उदघाटन गरेका छन ।

उदघाटन गर्दै प्रमुख जिल्ला अधिकारी हमालले धनगढी पोखरा रुटमा संचालन हुने बसको निरन्तरताको शुभकामना दिए । यातायात सञ्चालनले सुदूरपश्चिमलाई अन्य प्रदेशसँग समेत जोड्ने भएकोले यसले धार्मिक, सास्कृतिक र पर्यटनलाई समेत टेवा पु¥याउने उनले बताए । उनले अहिले बर्षाको समय भएकाले त्यतातिर समेत ध्यान दिएर सवारीसाधान सञ्चालन गर्न आग्रह गरे ।

त्यस्तै कार्यक्रममा कैलाली जिल्लाका प्रहरी प्रमुख प्रहरी उपरीक्षक बालनरसिंह राणाले सवारी सञ्चालनका क्रममा नियमको परिधिमा रहि सेवाग्राहीलाई सेवा दिन आग्रह गरे । यस्तै उद्घाटन कार्यक्रममा बोल्दै नेपाल यातायात व्यवसायी राट्रिय महासंघका सुदूरपश्चिम प्रदेश संयोजक टेकराज जोशीले यात्रुहरुको पहिलो रोजाईमा रहेको यस यातायात प्रालिले आजदेखि सञ्चालनमा ल्याउन लागेको भीआइपी सोफा एसी बसले झन दिगो बनाउने विश्वास लिएको बताए ।

कैलाली उधोग बाणिज्य संघका वरिष्ठ उपाध्यक्ष पुष्कर ओझाले यो बस सेवाले पर्यटनको क्षेत्रले ठूलो टेवा पु¥याउने बताउँदै अहिलेको खस्कदो आर्थिक मन्दिमा पनि करोडौं रकम खर्चेर स्तरीय भीआइपी सोफा एसी बस सञ्चालनमा ल्याउन हिम्मत गर्ने व्यवसायीहरुको व्यवसायिक सफलताको शुभकामना व्यक्त गरे ।

प्रालिका अध्यक्ष पदमराज सापकोटाको अध्यक्षतामा भएको उदघाटन कार्यक्रममा धनगढी उपमहानगरपालिका–४ का अध्यक्ष बुद्धिबहादुर खड्का, यातायात व्यवसायी तथा मजदुर संगठनका प्रमुख तथा प्रतिनिधिले शुभकामना व्यक्त गरेका थिए । धनगढी बसपार्कबाट दिउँसो १२ बजे पोखराका लागि बस छुट्ने र पोखराबाट धनगढीका लागि पोखरा बसपार्कबाट दिउसो १२ः३० बजे बस छुट्ने प्रालिका महासचि सुरेन्द्र बोहराले बताए ।