कैलाली । नागरिकहरुको घर र सम्पत्तिको रक्षाका लागि सुदूरपश्चिम प्रदेश सरकारले कानुन बनाई स्थानीय सरकारसंगको सहकार्यमा नागरिक घर बीमा कार्यक्रम लागु गर्नुपर्नेमा सहभागीले जोड दिएका छन । आज धनगढीमा आयोजित पत्रकारहरु संग बिमा सम्वन्धि छलफल तथा अन्तरक्रिया कार्यक्रमका सहभागीले यस्तो जोड दिएको हो ।

नेपाल बीमा प्राधिकरण कार्यालयका प्रदेश प्रमुख केदारनाथ भट्टले बीमा  सम्वन्धि जानकारीका लागी गरिएको प्रस्तुतीरकणमा पनि घरबीमा कार्यक्रम लागु गर्न सके घरमा क्षति भएको अवस्थामा प्रदेश सरकारले वहन गर्नुपर्ने सम्भावित दायित्व अनुत्पादक खर्च कटौती भई सार्वजनिक खर्चको प्रभावकारीता बढ्ने उल्लेख छ ।

प्रदेश सरकारले स्रोत उपलब्धताका आधारमा सिमान्तकृत तथा न्युनआय भएका बिशेष वर्ग तथा समुदायको बीमा गर्दा लाग्ने प्रिमियममा अनुदान कार्यक्रमहरु लागु गर्न सकेमा नागरिकलाई सम्भावित नोक्सानीबाट सुरक्षा प्रदान गर्न सकिने उनको भनाई छ ।

घरबीमा कार्यक्रम अन्र्तगत आवासीय र व्यासायीक घरहरुको बीमा भए, अग्नीजन्य हावाजन्य,पानीजन्य, भुमिजन्य,चटयाङ्गजन्य,विस्फोटजन्य, हुलदङ्गा वा आतंकवादजन्य लगायतका क्षतिबाट भएको नोक्सानीको क्षतिपूर्ति दिन सकिने उनले बताए ।

उनले आवासीय घरको बीमा गर्न प्रतिहजार ५० पैसामात्र प्रिमियमः उदाहरणका लागी रु १० लाख मुल्यको घरको बिमा गर्न रु ५०० लाग्ने बताए । कृषि,पशुपन्छी तथा जडिवुटी बीमा अन्र्तगत वालीनाली तथा पशुपन्छीमा हुने आर्थिक क्षतिको सुरक्षाका लागि उत्तम हुने उनले बताए ।

यो बीमाबाट कृषकहरुलाई कृषि पेशाप्रति आकर्षित गर्न र कृषकहरुलाई हुन सक्ने आर्थिक क्षतिको सुरक्षा प्रदान गर्न र युवाहरुलाई यो पेशाप्रति आकर्षित गर्न र निर्वाहमुखी कृषिलाई व्यवसायिक वनाउन सहयोग पुग्ने उनले बताए । उनले कृषि ज्ञानकेन्द्र र भेटनरी तथा पशुसेवा विज्ञ केन्द्र मार्फत अनुदान कार्यक्रमलाई सहजीकरण गर्नुपर्ने बताए ।

प्रदेश सरकारले प्राविधिक जनशक्तीको परिचालन, प्रचारप्रसार तथा प्रवर्धनात्मक कार्यक्रम संचालन गर्नुपर्ने उनको भनाई छ । प्रदेश सरकारले लागु गरेका प्राविधिक गरेका विउविजन, कृषि औजार तथा उन्नत जातका पशुधन अनुदानमा उपलव्ध गराउदा अनिवार्य बीमा कार्यक्रममा आवद्ध हुनुपर्ने उनले बताए । सुदूरपश्चिम प्रदेशमा जीवन बीमकका १८७ शाखा उपशाखा र निर्जीवन बीमा कम्पनीका ८८ वटा शाखा उपशाखा रहेको उनले बताए ।
बीमकका प्रदेश शाखा तथा उपशाखा कार्यालयमा कार्यरत कर्मचारी संख्या जीवन बीमा तर्फ ४९४ र निर्जीवन तर्फ ३१६ जना रहेको उनले जानकारी दिए ।

बीमा अभिकर्ताको संख्या जीवन तर्फ ८१ हजार एक र निर्जीवन तर्फ २२८ रहेका छन् भने बीमा सर्भेयरको संख्या ७ छन् । कार्यक्रममा नेपालपत्रकार महासंघ सुदुरपश्चिम प्रदेश अध्यक्ष भरत शाहले बीमाको प्रभावकारिता संगै बीमासम्वन्धी जानकारी आम नगारिकलाई गराउन आवश्यक रहेको बताए ।

पत्रकारले बीमाको राम्रो पक्ष वा नराम्रो पक्ष छन् भने पनि लेखेर आम जनसमुदायलाई सुसुचित गराउन अनिवार्य  आवश्यक रहेको सुनिल श्रेष्ठले बताए ।