धनगढी । धनगढी उपमहानगरपालिकाले संस्थागत विद्यालयहरूलाई बिना अनुमति पाठ्यपुस्तक परिवर्तन नगर्न निर्देशन दिएको छ।
उपमहानगरपालिकाले पत्रमार्फत सबै संस्थागत विद्यालयलाई निर्देशन दिइएको हो।
प्रत्येक शैक्षिक सत्रमा विद्यालयहरूले पाठ्यपुस्तक परिवर्तन गर्दा अभिभावकमाथि अनावश्यक आर्थिक बोझ पर्ने गरेको भन्दै गुनासोहरू प्राप्त भएपछि यस्तो निर्णय गरिएको उपमहानगरले जनाएको छ ।
उपमहानगरले पूर्वस्वीकृति बिना कुनै पनि विद्यालयले पाठ्यपुस्तक परिवर्तन गर्न नपाउने स्पष्ट पारेको छ ।
कुनै विद्यालयले अनुमति बिना पाठ्यपुस्तक परिवर्तन गरेको पाइएमा प्रचलित कानुनबमोजिम कारबाही गरिने पत्रमा उल्लेख छ ।
