धनगढी । सुदूरपश्चिम प्रदेशका आन्तरिक मामिला तथा कानुनमन्त्री हीरा सार्कीले ट्राफिक व्यवस्थापन सहजीकरणका लागि आवश्यक सहयोग गर्ने बताएका छन् ।
राजमार्ग सुरक्षा तथा ट्राफिक व्यवस्थापन महाशाखा नक्साल काठमाण्डौँ एवं नेपाल प्रहरी राजमार्ग सुरक्षा तथा ट्राफिक व्यवस्थापन कार्यालय अत्तरियाले सोमबार धनगढीमा आयोजना गरेको ‘सुदूरपश्चिम प्रदेश ट्राफिक व्यवस्थापन सुरक्षा गोष्ठी–२०८३’मा बोल्दै उनले यस्तो बताएका हुन् ।
उनले भने ‘सहरी क्षेत्रमा ट्राफिक जाम हुने समस्या रहेको छ । ट्राफिक व्यवस्थापनमा समस्या छ । धनगढीको चौराहामा ट्राफिक लाइटको व्यवस्थापन गर्ने कुरा अगाडि बढाएका छौँ । बजेट थपिए अत्तरियामा पनि ट्राफिक लाइटको व्यवस्थापन गर्छौँ ।’
प्रहरीका थुप्रै समस्याहरु रहेका बताउँदै मन्त्री सार्कीले प्रहरी चौकी निर्माण,विओपीका थुप्रै मागहरु आउने गरेको र त्यसका लागि प्रदेश सरकारले आवश्यक पहल गरिरहेको बताए ।
उनले त्यस्तै सशस्त्र प्रहरीलाई गोताखोर तालिमलगायतमा प्रदेश सरकारले सहयोग रहने बताए । गोष्ठीमा बोल्दै नेपाल प्रहरी राजमार्ग सुरक्षा तथा ट्राफिक व्यवस्थापन कार्यालय अत्तरियाले
