धनगढी । कैलाली र बैतडीबाट अवैध लागूऔषधसहित ४ जना पक्राउ परेका छन ।
बुधबार कैलालीको घोडाघोडी नगरपालिका-७ कृतिपुर स्थित सुखड भजनी खडक खण्डबाट अवैध लागूऔषध खैरो हिरोइन जस्तो देखिने धुलो पदार्थ २ ग्राम ५८० मिलिग्राम सोही नगरपालिका-१ बस्ने २९ वर्षीय खेमराज मल्ल, २९ वर्षकै बालाराम पोख्रेल र १६ बर्षिय किशोर पक्राउ परेका प्रहरीले जनाएको छ ।
जिल्ला प्रहरी कार्यालय कैलाली समेतबाट खटिएको प्रहरीले सु.प.प्र.०१-०८ प २८८८ नम्बरको मोटरसाइकलमा सवार निजहरुलाई शंका लागि चेकजाँच गर्दा उक्त पदार्थ,मोटरसाइकल सहित पक्राउ गरेको प्रहरीले जनाएको छ ।
त्यस्तै,बैतडीको दशरथचन्द नगरपालिका-४ गोठलापानी बजारबाट अवैध लागूऔषध खैरो हेरोईन जस्तो देखिने धुलो पदार्थ १४० मिलिग्राम सहित सोही ठाउँ बस्ने ३१ वर्षीय प्रविन भट्टलाई बुधबार दिउँसो प्रहरीले पक्राउ गरेको जनाएको छ ।
विशेष सुचनाको आधारमा जिल्ला प्रहरी कार्यालय बैतडीबाट खटिएको प्रहरीले चेकजाँच गर्दा उक्त पदार्थ फेला पारी उक्त पदार्थ सहित पक्राउ गरेको जनाएको छ ।
