धनगढी । रिकभरिङ नेपाल,सुदूरपश्चिमको आयोजनामा ‘नेपालमा लागूऔषध प्रयोगकर्ताहरुलाई फौजदारी मुद्दारदण्डका विकल्पहरू’ विषयक अभिमुखीकरण कार्यक्रम शुक्रबार धनगढीमा सम्पन्न भएको छ।
कार्यक्रमको सहजीकरण रिकभरिङ नेपालका केन्द्रीय सदस्य एबं लागूऔषध विज्ञ नवराज पाण्डेयले गरेका थिए ।
कार्यक्रममा लागूऔषध प्रयोग ‘दुर्व्यसन’ को अवधारणा, नेपालमा लागूऔषध प्रयोगकर्ताहरूको वर्तमान अवस्था, लागूऔषध ‘नियन्त्रण’ ऐन, २०३३ का प्रमुख व्यवस्था, लागूऔषध प्रयोगकर्तामाथि फौजदारी मुद्दा वा दण्डको सट्टा उपचार, परामर्श, पुनर्स्थापना तथा समुदायमा आधारित सेवाजस्ता प्रभावकारी विकल्पहरूका बारेमा विस्तृत छलफल गरिएको थियो।
साथै, फौजदारी न्याय प्रणालीका अभिकर्ताहरूको भूमिका, स्वास्थ्य र मानवअधिकारमा आधारित दृष्टिकोणको आवश्यकता तथा लागूऔषध प्रयोगकर्ताहरूको सामाजिक पुनःएकीकरणलाई प्रभावकारी बनाउन सरोकारवालाहरूबीच समन्वय र सहकार्य सुदृढ गर्नुपर्ने विषयमा विशेष जोड दिइएको थियो ।
कार्यक्रममा सहभागीहरूले लागूऔषध सम्बन्धी नीति तथा व्यवहारमा सकारात्मक परिवर्तन ल्याउन यस्ता अभिमुखीकरण कार्यक्रमहरू प्रभावकारी हुने विश्वास व्यक्त गरेका थिए। कार्यक्रममा कानुन व्यवसायी, सुरक्षा निकाय,लागूऔषध दुब्र्यसनका क्षेत्रमा कृयाशिल संघरसंस्थाका प्रमुख तथा प्रतिनिधि,सुधारकेन्द्र सञ्चालक लगायतको सहभागीता रहेको थियो ।
