धनगढी । कैलालीको लम्कीचुहा नगरपालिका-१ थपालीपुरबाट अवैध लागूऔषधसहित एक युवक पक्राउ परेका छन् ।
पक्राउ पर्नेमा सोही ठाउँका २२ वर्षीय ललित राना क्षेत्री रहेका छन् । उनलाई ईलाका प्रहरी कार्यालय लम्कीबाट खटिएको प्रहरी टोलीले शनिबार साँझ शंका लागेर चेकजाँच गर्ने क्रममा पक्राउ गरेको हो ।
प्रहरीका अनुसार रानाको साथबाट अवैध लागूऔषध खैरो हिरोइनजस्तो देखिने धुलो पदार्थ १८० मिलिग्राम बरामद भएको छ ।
पक्राउ परेका रानामाथि प्रहरीले आवश्यक अनुसन्धान गरिरहेको जनाएको छ ।
