धनगढी । कैलालीमा भारतबाट अवैध रूपमा भन्सार छली गरी ल्याइएका विभिन्न सामानसहित प्रहरीले दुई जनालाई पक्राउ गरेको छ।
धनगढी उपमहानगरपालिका-७ मनेहरास्थित ३६ वर्षीया रञ्जना रानाले घरमा लुकाइछिपाइ राखेको करिब ३ लाख ५३ हजार रुपैयाँ बराबरको सुटपिस, चुन्नी तथा अन्य कपडा प्रहरीले बरामद गरेको जनाएको छ।
जिल्ला प्रहरी कार्यालय कैलालीबाट खटिएको टोलीले बुधबार दिउँसो आवश्यक प्रक्रिया पूरा गरी सामानसहित रानालाई नियन्त्रणमा लिएको हो ।
यस्तै, धनगढी उपमहानगरपालिका-१ त्रिवेणीघाटस्थित ४५ वर्षीय जीवन ढुंगानाको घरमा लुकाइछिपाइ राखिएको करिब २ लाख ७० हजार रुपैयाँ बराबरको टेन्टका पर्दालगायत सामान पनि प्रहरीले बरामद गरेको छ ।
यसैबीच, धनगढी उपमहानगरपालिका-१९ लल्लीपुर घाटबाट करिब २२ हजार रुपैयाँ बराबरका भारतबाट भन्सार छली ल्याइएका बोइलर कुखुरा बेवारिसे अवस्थामा फेला बरामद गरेको छ । इलाका प्रहरी कार्यालय बहुलियाबाट खटिएको टोलीले बरामद कुखुरा आवश्यक प्रक्रिया पूरा गरी स्थानीय जनप्रतिनिधिको रोहवरमा नष्ट गरेको जनाएको छ।
