धनगढी । कैलालीको टीकापुरबाट अवैध लागूऔषधसहित दुई जना पक्राउ परेका छन्।
टीकापुर नगरपालिका-१ बनगाउँबाट बिहीबार साँझ १ ग्राम ६४० मिलिग्राम खैरो हिरोइनजस्तो देखिने धुलो पदार्थसहित दुई जनालाई प्रहरीले पक्राउ गरेको हो।
पक्राउ पर्नेमा टीकापुर नगरपालिका-१ बनगाउँका २१ वर्षीय बिबश चौधरी र धनगढी उपमहानगरपालिका-१३ कैलालीगाउँका ३० वर्षीय निशान्त घर्ती मगर रहेका छन् ।
इलाका प्रहरी कार्यालय टीकापुरबाट खटिएको प्रहरी टोलीले शंका लागेर चेकजाँच गर्ने क्रममा उक्त पदार्थ फेला पारेपछि उनीहरूलाई पक्राउ गरेको जनाएको छ।
घटनाबारे प्रहरीले थप अनुसन्धान गरिरहेको छ।
