काठमाडौं– विभिन्न कारणले कारमा आगो लाग्ने खतरा हुन्छ । कहिलेकाहिँ कारमा आगो लाग्नुको कारण कारभित्र रहेको लोकल मोबाइल चार्जर पनि हुन सक्छ । त्यसैले कारको मोबाइल चार्जर किन्दै हुनुहुन्छ भने त्यसमा विचार गर्नु अति आवश्यक छ ।
प्रायः कारमा शर्ट सर्किटका कारण आगो लाग्छ । कहिलेकाहिँ इलेक्ट्रिक वायर धेरै तातो भयो भने पग्लेर चुँडिन्छ र कारमा आगो लाग्छ । यस्तो तब मात्र हुनसक्छ, जब कारमा अतिरिक्त फेन्सी लाइट, अडियो सिस्टम अथवा अन्य इलेकट्रोनिक्स सामग्रीहरु जडान गरिन्छ ।
यी सामग्रीहरुले कारमा फैलिएका इलेक्ट्रिक तारहरुमा धेरै भार पर्छ, जसले गर्दा प्रारम्भमा तात्न थाल्छ र पछि पग्लिएर चुँडिन्छ । त्यसले गर्दा ब्याट्रीमा बढी दवाव पर्छ र ब्याट्रीमा दवाव परेर शर्ट सर्किट हुन्छ ।
कारमा आधिकारीक मोबाइल चार्जरको प्रयोग गर्नु पनि खतरापूर्ण हुन्छ । त्यसैले कुनै पनि लोकल कार मोबाइल चार्जर किनेर प्रयोग गर्नु हुँदैन । किनभने अधिकांश कार चार्जर आवश्यक सुरक्षा मापदण्ड अनुसारको हुँदैन । यदि चार्जरलाई सकेटमा लगाएर छाडिदिएमा त्यहि कारणले कारको शर्ट सर्किट हुन्छ, जसले कारमा आगो लाग्न सक्छ ।
त्यसैले यदि कारमा राख्ने मोबाइल चार्जर किन्दै हुनुहन्छ भने कुनै आधिकारिक र राम्रो ब्राण्डको किन्नु पर्छ ।
यद्यपि, हिजोआज प्रायः सबै कारमा निर्माता कम्पनिहरुले नै मोबाइल चार्जर (चार्जिङका लागि पोर्ट सहित) दिन्छन् । यदि तपाईंको कारमा यस्तो सुविधा छ भने त्यो सबैभन्दा सुरक्षित हुन्छ ।
एजेन्सीको सहयोगमा
