पोखरा – गण्डकी प्रदेश सभाको बैठक १७ दिनपछि बिहीबार बस्दै छ । प्रदेश सभा सचिवालयका अनुसार आज दिउँसो १ बजे बैठक बस्ने कार्यतालिका छ ।
आज बस्ने प्रदेश सभामा अघिल्लो सरकारले ल्याएको दुई अध्यादेश टेबल भएको अध्यादेश स्वीकृतका लागि पेस हुने तालिका रहेको सचिवालयका सूचना अधिकारी प्रेम सुवेदीले बताए ।
कार्यव्यवस्था परामर्श समितिले गठन नहुँदा प्रदेश सभामा कार्यसूची तय सभामुख र सचिवालयलाई असहज भएको छ । यसअघि पछिल्लो पटक प्रदेश सभाको बैठक माघ २ गते बसेको थियो ।
उक्त दिन प्रदेश उपसभामुख चयन गरिएको थियो । त्यसपछि माघ ९ गतेका लागि बैठक बस्ने भनिएको थियो । तर, मन्त्रिपरिषद विस्तार नहुँदा र सरकारले ‘बिजनेश’ नदिँदा प्रदेश सभा बैठक आजका लागि सारिएको थियो ।
