धनगढी– धनगढीको ६ लेन सडकमा पैदलमार्ग छोडेर तारजाली नाघेर सडक काट्ने एक युवालाई धनगढी उपमहानगरपालिकाका प्रमुख गोपाल हमालले खादा लगाएर सम्मान गरेका छन् ।
तारजाली नाँघेर सडक पार गरिरहेका धनगढी–१३ राजपुरका शिवराज पाध्यायलाई व्यंग्यात्मक रुपमा नगरप्रमुख हमालले खादा लगाएर सम्मान गरेका हुन् ।
सडक लेनको बिचमा तारजाली लगाए पनि केही पैदल यात्रुले धमाधम तारजाली नाघेर सडक काट्न थालेपछि उपमहानगरपालिकाले कडाई गरेको छ । ६ लेन सडक पार गर्न विभिन्न ठाउँमा पैदलमार्ग राखिएको छ । उक्त सडकमा गाडी पार गर्ने मार्ग भने कम नै रहेको गुनासो छ ।
