धनगढी- धनगढी उपमहानगरपालिका वडा नम्बर- ५ शिव नगरमा रहेको चैतन्य पाठशालाले वार्षिक समीक्षा तथा आगामी वर्षको कार्ययोजनाबारे छलफल गरेको छ । धनगढीमा पाठशालाका शिक्षक तथा शिक्षिकाहरूको सहभागितामा विद्यालयले विगत एक वर्षको समीक्षा प्रगति र आगामी एक वर्षको कार्य योजना सम्बन्धी छलफल गरेको हो ।
सहभागी शिक्षक तथा शिक्षिकाहरूले पाँच पाँच मिनेटमा आआफूले प्रस्तुति राखेका थिए । उनीहरूले आफूले गरेका कार्यपत्र, अनुभव र अनुभूतिको बारे प्रस्तुतीकरण राखेका थिए ।विद्यालयका कार्यकारी अधिकृत गणेश प्रसाद जोशीले पाठशालालाई संस्कारसहितको शिक्षालाई जोड दिएकाले थप के कसरी अगाडी बढाउन सकिन्छ भन्ने बारेका कुराहरू राखेका थिए । पाठशालाले विद्यार्थी शिक्षक, अभिभावक तथा समाजलाई समन्वय गरी थप प्रदेशकै नमुना विद्यालय बनाउने उद्देश्य राखेको बताए ।
विद्यार्थीका समस्या अभिभावक र शिक्षकसम्म, शिक्षकका समस्या विद्यालयले क कसरी समाधान गर्न सक्छ त्यस तर्फ विद्यालय लागी रहेको बताएका छन् । विगतका अनुभवलाई समेटेर आगामी वर्षमा के कसरी विद्यालयलाई अगाडी बढाउन सन्धि भनेर कार्य योजना बनाइरहेको उनको भनाई छ ।
यस्तै पाठशालाका पूर्व प्रिन्सिपल उदय प्रताप सिंहले विद्यालयले विभिन्न सेवा सुविधा दिइरहेको बताउँदै शिक्षक शिक्षिकाहरूको त्याग सर्मपनको आवश्यकता रहेको बताए । शिक्षक शिक्षिकाहरूको बिच समन्वय गर्ने कुरा या विद्यालयसँग समन्वय गर्ने कुरामा एक जुट भएर लाग्न सुझाव दिए । कार्यक्रममा विद्यालयका शिक्षक शिक्षिका, प्रिन्सिपल हरि प्रसाद जोशी, सहायक प्रधानाध्यापक कटक सिँहलगायको उपस्थिति रहेको थियो । साथै कार्यक्रममा पत्रकारहरूलाई समेत सम्मान गरिएको थियो।चैतन्य पाठशालामा मन्टेश्वरी देखी कक्षा १० सम्म पढाइ हुँदै आएको छ ।
