धनगढी- कैलालीको धनगढीमा गौतम बुद्धको मूर्ति अनावरण गरिएको छ। जिल्लाको धनगढीस्थित बुद्ध चोकमा शनिवार एक कार्यक्रमका बिच श्री १००८ स्वामी देवराज आचार्यले मूर्तिको अनावरण गरेका हुन्। सडक निर्माणका क्रममा मूर्ति टुटफुट भएपछि बुद्ध मूर्ति निर्माण समितिले उक्त मूर्ति पुनः निर्माण गरेको हो ।

बुद्ध मूर्ति निर्माण समितिका अध्यक्ष काशीराम विष्ट, धनगढी उपमहानगरपालिकाका मेयर गोपाल हमाल, उप प्रमुख कन्दकला राना लगायत स्थानीयको उपस्थितिमा बुद्धको मूर्ति अनावरण गरिएको हो । बुद्ध मूर्ति निर्माणको ९ सदस्यीय समिति छ । बुद्ध मूर्ति निर्माण कार्यमा ६५ बढी दाताहरूको सहयोग रहेको बताइएको छ।